Раббийни Анасыны Ивер иконасыны байрамында Нарсанадаправослав Свято-Никольский гимназияны сохталары бла устазлары, Никольский клисаны тамадасы, гимназияны да директору протоирей Знаменский Иоанн башчлыкъ этген Дин къуллукъгъа къошулдула. 1-ден 11-чи класслагъа дери сохталадан 200 асламысы, юретиу джаны бла директорну орунбасары Синявская Татьяна бла клиса джыргъа юретген устаз Игнатенко Еленаны башчылыгъы бла литургиялда дин джырланы джырладыла. Сабийлени бары да каникулланы аллы бла Масих Иссаны тюшюрген адетни этдиле.
Дин къуллукъдан сора 4-чю классны сохталары. Биринчи классны сохталарына джолда тюз джюрюуден дерс бердиле. Таурухладан геройланы кийимлерин кийиб, гитчечиклеге , джолда кеслерин къалай джюрютюрге керек болгъанларыны эмда джол белгиледен сейир халда хапар айтдыла. Къуанчны аягъында хар бир сохта джаяу джолоучуну удостворениясын ол темагъа аталгъан боялыргъа джораланнган суратланы алдыла.
Ол кюн огъунакъ устазланы совети болуб етдю. Гимназияны директору протоирей Знаменский Иоанн, билим бериуню асыулулугъундан эмда аны ариу халиге юретиуге келишгенинден хапар айтды. Юретиу джанындан директорну орунбасары Рочева Ирина, сохталаны Бютеуэресей олимпиаданы 1-чи этапыны эсеблерин айтыб эмда биринчи четвертде сохталаны окъуу дараджаларындан хапарлы этди. Тюз соруула бла байламлы джанындан директорну оурунбасары эмда дин джаны бла билим берген дерслени методисти Знаменская Ольга гимназияда Православ Динни тамалларындан етген олимпиаданы эсеблерин белгиледи. Джыйылыуда дагъыда ОБЖ бла физкултураны устазы Семенов Александр гимназияда къазакъчылыкъны асыулу этер джанындан теджеулени да айтды.
Октябрь айны 27-де православ гимназияда 2017-2018 окъуу джылны биринчи чертверти бошалгъанына дуа этилген эди. Православ адетдеча дуаны гимназияныдиректору протоирей Знаменский Иоанн, гимназияны динчиси протоирей Чеканов Димитрийни болушлугъу бла этди.
Андан сора конкурсла бла олимпиадалада хорлагъан гимназиячыланы саугъалау болду. Артыкъ да бек Иоанн бабас, Армавирде етген Ачыкъ епархиал спартакиадагъа къошулгъанлагъа разылыгъын билдирди. Ала ары Пятигорск епархияны атындан барыб, оналты команданы ичинде тертюнчю оруннга ие болгъан эдиле.
Каникулланы аллы бла окъуу ахыр кюнде ючюнчю классда, класс тамада Лысенко Елена хазырлагъан «Осень в лесу» деген къуанч программа болуб етдю. Сабийле къач бетли джарыкъ кийимле кийиб, ариу назмула бла джырла бла ата-аналарын къуандырдыла. Концерт программадан сора къачлы паркга бардыла. Анда сабийле тюрлю-тюрлю тереклени къачхы чапракъларын джыйдыла, назмула окъудула, джылы кюнню таякъларына да къуандыла. Бу байрам бек ариу къуанч халда етген эди.