Тероризмге къаршчлыкъгъа турууну бир иннетликни Кюнюнде быйыл сентябрь айны 3-де Нарсанада бушуу мероприятияла болуб етдюле. Етген джылладача, 14 джыл мындан алгъа болгъан перегонда терракт болгъан джерде «Как молоды мы были» деген эсгерриу къачны къатында , терракта елгенлени джуукълары, Православ Свято-Никольский гимназияны чохталары эмда башха окъуу заведенияланы сохталары, джамагъат организацияланы эмда Нарсана шахар администрация бла дин аралыкъланы келечилери джыйылгъан эдиле. Никольский клисаны клириги протоирей Чеканов Димитрий, анда елгенлдени барына да джаназы дуа окъуду. Джыйылгъанлагъа айланыб Димитрий бабас , Пятигорске бла Черкесскени архиепископу Феофилактны кел бергенин айтды. Православ динчи дагъыда, биреуню бушууна сансыз болмагъыз, бир-биринги сюйюгюз деб чакъырды. Нарсана шахарны башчысы Курбатов Александр эсгшериу къачны аллына венок салды, джерге сары гокгала салындыла, кекге да акъ джелимле ийилдиле. Бушуу мероприятяны андан арысын, диакон Тарабаев Николай бла нарсаначыла эмда терракта елгенле асыралгъан къабырлада бардырдыла. Протоирей Димтрий, бу дунияларын ауушдуруб кетгенлеге православ адетдеча джаназы дуа окъуду. Террактда елгенлеге салыннган эсгертмеге клисаны джамагъаты гокга хансла салды. Кюнню экинчи джарымында «Медикам — героям Великой Отечественной войны 1941-1945 гг.» , деген эсгертмени къатында , «Мы помним» деген джаш телюню акциясы болду, аннга Православ Свято- Никольский гимназиясыны абадан классларыны сохталары да къошулдула. Бу бушуу кюнде Къарачай-Черкесияда мероприятияла, Коста-Хетагурово элде элни джамагъаты 2011-чи джыл Бесланда елген сабийлеге салгъан эсгертмени къатында барадыла. Официал белюмню аллы бла,
джаназы дуаланы Къарачай-Черкесиядв Къыбла клиса округну джуаблы динчиси протоирей Субтельный Евгений бла Къарачай шахарны имамы Орусланы Ахмат хаджи окъудула. Бу бушуу кюннге атаб кел берген сезлени, республиканы Првительствосуну ПредседателиОзов Анатолий, республиканы Халкъ Джыйылыууну депутаты Михайлович Муратхан, джамагъат организацияланы келечилери эмда Коста-Хетагурово элни школуну сохталары бла устазлары да айтдыла. Митингден сора кекге акъ джелимлени джибердиле.