Пятигорск епархияны архитектура-къурулуш комиссиясы кезюулю кере Къарачай-Черкесияда Къыбла клиса округну приходларында болду. Анга къурулуш джаны бла епархия белюмню тамадасы протоирей Бондарчук Андрей, джуаблы православ динчи протоирей Субтельный Евгений, къурулуш джаны бла джуаблы динчини болушчусу иерей Бураков Димитрий, епархияны архитектору эмда древлехранители Чечин Олег, епархияны складына тамадалыкъ этген Чечин Сергей къошулдула. Епархияны къурулуш джаны бла белюмюню тамадасы протоирей Бондарчук Андрей аны кибик архитектор бла древлехранитель Чечин Олег, благочинияны клисаларында къхурулуш ишле къалай баргъанларына къарадыла эмда керекли оюмла да айтдыла. Джуаблы православ динчи протоирей Субтельный Евгений, Зеленчюкде Петр бла Павел шыйыхланы сыйына аталгъан клисада ремонт ишле комиссияны шагърей этди, ала да клисаны тюб джанын джангыртыргъа керекди деген оюмну да этдиле. Аны тышында да комиссия, Лесо-Кяфарь поселокда ишлене тургъан клисада да болду, Хасаут-Греческое элде да ишлениб башланнган клисагъа да къарадыла анда солея бла табхытлагъа бетон къуюуну юсю бла сорууланы прораб бла сюздюле. Къардоник станседе Покрова Пресвятой Богородица клисада комиссия, куполларын ауушдурургъа эмда башын джангыртыргъа кереклисин чертди. Джангы куполланы эскизин епархияны къурулуш белюмюне берирге керекди.