2026 гъэм мэкъуауэгъуэм и 22-м Архыз дэт Софие хуейм щекӏуэкӏащ «Кавказыр хуит къэзыщӏыжахэм я фэеплъу шэху уэздыгъэ Щӏэгъанэ» хабзэр. Ар екӏуэкӏащ «Си щхьэгъубжэм тет фэеплъ Шэху Уэздыгъэ» дунейпсо акцэм хыхьэу.
Ар къызэрагъэпэщащ Зеленчук муниципальнэ районым и администрацэм, щэнхабзэмкӏэ район къудамэм, щэнхабзэмкӏэ район уардэунэм, Зеленчук районым и къэзакъ зэгухьэныгъэм, Къэрэшей-Шэрджэс члисэ округым и благочинием.
Акцэм хэтащ дзэм ираджэу къулыкъу щызыщӏэхэмрэ дзэ часть №20096-м и офицерхэмрэ, Сторожевая-2 дзэ къалэ цӏыкӏум и юнармейцхэр, Зеленчук районым и къэзакъхэр, район администрацэмрэ щэнхабзэмкӏэ Уардэунэмрэ я лэжьакӏуэхэр, ветеранхэм я Советымрэ УРЫСЕЙ МВД-м и МО-м и «Зеленчукский» Жылагъуэ советымрэ хэтхэр. Абыхэм я гъусэу тхьэ елъэӏуащ Ипщэ Къэрэшей-Шэрджэс члисэ округым и благочиннэ иерей Якушев Александр.
Акцэм хэтхэр къыхыхьащ «Щымыгъэм и дакъикъэ» урысейпсо акцэм. Сыхьэт 12:15-м ирихьэлӏэу абыхэм ягу къагъэкӏыжащ Хэку зауэшхуэм хэкӏуэдахэр. Зэхыхьэм и кӏэм абы хэтахэм удз гъэгъахэр тралъхьащ дэхуэха зауэлӏхэм я фэеплъым.