РИА КЧР-м, хъыбар къызэрыдигъэщIамкIэ, Черкесск щызэхалъхьэжащ «Наша дружная семья: уроки семейной медиации» унагъуэ медиаторхэм я егъэджэныгъэ Iуэхухэр. Проектыр щытекIуащ «Православная инициатива» грант зэпеуэм икIи хуэунэтIащ унагъуэ къаугъэхэм я хэкIыпIэ къэгъуэтыным.
Черкесск къалэм и Покров члисэм и библиотекэм зэхыхьэ щекIуэкIащ. Абы щызэхалъхьэжащ Iуэхум кърикIуахэр икIи медиаторхэм сертификатхэр иратащ. Фигу къэдгъэкIыжынщи, программэм цIыху 45-рэ хэтащ. Абыхэм юрист, психологие, духовнэ Iуэхухэм зыхагъэгъуэзащ. Эксперту зыкъагъэлъэгъуащ IэщIагъэлIхэм: судья Коцубин Юрэ, психолог Жедяев Олег, уэхум и унафэщI щоджэн нэхъыжь Нартов Александр.
«Мы Iуэхум къигъэлъэгъуащ унагъуэ медиацэм и щIэупщIэр зыхуэдэр. ЗэгурмыIуэныгъэхэм я хэкIыпIэхэр цIыхухэм зэрафIэгъэщIэгъуэныр тлъэгъуащ икIи щытыкIэ гугъу ихуа унагъуэхэм ядэIэпыкъуну хьэзыр IэщIагъэлIхэри къытIэрыхьащ. ДэркIэ ар дзыхьыр зэрыдгъэбыдэщ, унагъуэм и лъапэныгъэхэр хъумэнырщ. Iуэхур дгъэзэщIэнымкIэ къыддэIэпыкъуа псоми фIыщIэ худощI – КъШР-м и Iэтащхьэмрэ Правительствэмрэ я Администрацэм, Черкесск къалэм и мэрием, КъШР-м и Жылагъуэ палатэм, Iуэхум хэта псоми. IуэхущIапIэ, Пятигорск, Черкесск епархием и чристэн члисэхэм къабгъэдэкIыу лъэIу къытIэрыхьащ мы Iуэхур зэрыдгъэзащIэмкIэ дадэгуэшэну, - къыхигъэщащ проектым и унафэщI, Пятигорск епархием и Ищхъэрэ Къэрэшей-Шэрджэс округым и благочиннэ щоджэн нэхъыжь Нартов Александр.
Iуэхур гъэзэщIэным теухуауэ Черкесск щекIуэкIащ унагъуэ фестиваль ин, сабийхэм сурэт щIынымкIэ я зэпеуэ, цIыхуи 100-м щIигъу зэхуэзышэсар, сочиненэ тхынымкIэ зэпеуэри хыхьэу. Абы щытекIуахэмрэ хэтахэмрэ иратащ саугъэтхэмрэ щIыхь тхылъхэмрэ. КъищынэмыщIауэ, унагъуэ медиацэмкIэ центр Черкесск къалэм щыIэм «Семейная медиация» курсым щыхурагъэджа IэщIагъэлIхэм зэхыхьэ 15 драгъэкIуэкIащ. Медиаторхэр иджы щытыкIэ гугъу ихуа цIыхухэм ядэIэпыкъунущ.
КъыжыIапхъэщ, унагъуэ медиацэр – унагъуэхэм ядэIэпыкъунымкIэ зэрыIэмалыфIыр, зэгурымыIуэныгъэхэр суд Iуэхум нэмысу хэкIыпIэ къызэрагъуэтыр. Социальнэ, психологие щытыкIэхэм зэрыхэхъуэм хуэдэурэ медиаторхэр дэIэпыкъуэгъу мэхъу зэгурыIуэнымкIэ, дзыхь зрагъэзынымкIэ, зыр адрейм зэхихынымкIэ.