Ярошенкэ Н.А. и цIэр зезыхьэ художникым иригъэжьащ «Наследие и наследники» Iуэхур. Ар теухуащ сурэтыIыр къызэралъхурэ илъэси 126-рэ, и музейр къызэрызэIуахрэ илъэс 65-рэ зэрырикъум.
2024 гъэм Iуэхур къызэIуахащ бfдзэуэгъуэм и 7-м – художник, жылагъуэ лэжьакIуэ, псапащIэ Ярошенкэ Николай и фэеплъ махуэм. ЗэIущIэм хэтахэр щызэхуэсащ Кисловодск къалэм и Никольскэ соборым, урыс художникым и псэр зэгъэн папщIэ Тхьэ елъэIуну.
Соборым и клирик щоджэн нэхъыжь Грамацкий Андрей Ярошенкэ Николай щыщIалъхьэжам деж Тхьэ щелъэIуащ. ТхьэлъэIу нэужьым Андрей зэхуэсахэм ягу къигъэкIыжащ Тхьэм и дежкIэ псори зэрыпсэур, цIыхухэм ягу художникыр зэрилъыр.
Музейм и лэжьакIуэхэмрэ Москва, Санкт-Петербург, Владикавказ, Пятигорск, Кисловдск щыпсэухэмрэ хьэщIэхэмрэ художникым и кхъащхьэм удз гъэгъахэр тралъхьащ.