2024 гъэм мазаем и 13-м, схииеромонах Стефан (Игнатенкэ) дунейм зэрехыжрэ илъэс 51-рэ щрикъум, ар щыщIалъхьэжа щIыпIэм деж тхьэлъэIу щригъэкIуэкIащ Пятигорск, Черкесск щIыналъэхэм я архиепископ Феофилакт. Щоджэн нэхъыщхьэм къулыкъур драгъэкIуэкIащ Успенскэ Второафонскэ Бештаурскэ цIыхухъу къулъшырыфым и лэжьакIуэхэмрэ Пятигорск епархием и щоджэнхэмрэ. Стефан и псэр зэгъэн папщIэ Тхьэ елъэIуну зэхуэсащ Кисловодск и члисэхэм екIуалIэхэр, екIуэлIапIэм кIуэхэр.
Щихънагъым ягу къигъэкIыжащ зи фIэщхъуныгъэр быдэу псэуам зэфIигъэкIахэр:
«...И гъащIэ псокIэ Стефан Тхьэр, КъегъэлакIуэ Иисус Христос цIыху псоми къахузэIуихыу щытащ, тегъэун хуейхэм. Дунейм ехыжами, иджыри Христос зэрыхуэпэжам и лъэужьыр гъуэщакъым.
...Стефан гугъуехь куэдым пхыкIащ, ауэ ар псоми Инджыл ЛъапIэмкIэт зэреплъыр, зи гъуэгур абы тету псэуар. Ар ирахужьэу, емыдаIуэу, и ужь иту, пцIы тралъхьэу, куэд хужаIэу щытащ, ауэ зыри кIэрыпщIакъым, езым Тхьэм пыщIэныгъэ хуиIэти...
Стефан и псэр зэгъэну Тхьэм долъэIу... Стефан и тхьэлъэIухэмкIэ Тхьэм мамырыгъэ, къегъэлыныгъэ гъащIэ, лъагъуныгъэ диIэну».
Щихънагъ Феофилакт псоми фIэхъус ярихащ икIи жиIащ «Христос лIахэм къахэтэджыкIыжащ!»
Кисловодск округым и благочиннэ щоджэн нэхъыжь Знаменский Иоанн щихънагъ Феофилакт фIыщIэ хуищIащ зэгъусэ тхьэлъэIум папщIэ икIи Стефан папщIэ узэщIыныгъэ псалъэ, абы теухуа псалъэ дахэ жиIащ.
«Свяыни земли родной» члисэ-тхыдэ музейм щеплъащ «Преображение длинною в жизнь» фильмым икIи махуэ псом зыплъыхьакIуэ къызэрагъэпэщащ, музейм и лэжьакIуэхэм Стефан (Игнатенкэ) и гъащIэм теухуа куэдым тепсэлъыхьащ.
***
Тхьэм папщIэ бэлыхь куэд зрагъэшэчахэм я фэеплъыр мыгъэкIуэдыжынымкIэ комиссэм и лэжьыгъэм пещэ Стефан канонизацэ щIыным теухуа документальнэ тхыгъэхэр зэхуэхьэсыным.
2023 гъэм дунейм къытехьащ «Преображение длиною в жизнь» документальнэ фильмыр. Ар теухуащ схииеромонах Стефан и гъащIэмрэ гуащIэмрэ.