2024 гъэм мазаем и 10-м Пятигорск къалэм Тэрч къэзакъыдзэм и отчет хэхыныгъэ екIуэкIащ.
Зэхуэсым и лэжьыгъэм хэтащ УФ-м и Президентым и полномочнэ лIыкIуэу КИФЩI-м щыIэ Чайкэ Юрэ, Ставрополь крайм и губернатор Владимиров Владимир, Ставропольскрэ Невинномыскрэ я митрополит Кирилл, Пятигорск, Черкесск щIыналъэхэм я архиепископ Феофилакт, нэгъуэщI хьэщIэхэр. Пастыр нэхъыщхьэм и гъусащ Пятигорск епархием къэзакъхэм ядэлэжьэнымкIэ и къудамэм и щоджэн нэхъыжь Фещенкэ Стефан. Зэхуэсым и лэжьыгъэм и пэ къихуэу къэзакъхэм фIэхъус къарихащ «Тэрч» гупым къыбгъэдэкIыу.
Тэрч къэзакъыдзэм и къэзакъ 236-рэ, зэхуэсым хэтхэм я IэIэтыр иратащ Савченкэ Владимир – «Тэрч» батальоным и унафэщIым.
Абы арэзы техъуащ урысейпсо къэзакъ зэгухьэныгъэм и атаман Кузнецов Виталий. Ар зэхуэсым хэтхэм яхутепсэлъыхьащ зэфIагъэкIахэм папщ1э икIи Тэрч къэзакъыдзэм и атаман къулыкъур езытыжам. ТВКО-м и атаманым и япэ ныбжьэгъу хъуащ «Тэрч» гупым и унафэщIым и къуэдзэ Жильцов Роман.
Савченкэ Владимир Пятигорск къэзакъ унагъуэм къыщалъхуащ 1976 гъэм. Курыт еджапIэ №19-р дыжьын медалкIэ къиухащ. КъыкIэлъыкIуэу ПГЛЛУ-м «Лингвист переводчик французского и английского языков» IэщIагъэм щыхуеджащ.
1998 гъэм УФ-м и ВС-м къулыкъу щищIащ.
2021 гъэм ар Пятигорск Думэм и 6-нэ къеджэгъуэм и депутатщ, бюджетымрэ налогхэмкIэ Пятигорск къалэ думэм и комитетым и унафэщIщ.
«За заслуги перед Ставропольским краем» медалым и III, II нагъыщэхэр къыхуагъэфэщащ.
Урысей Федерацэм и ЛIыхъужь цIэр хуагъэфэщащ «Тэрч» батальоным и комбат Попов Владимир.
Дамыгъэ лъапIэр иратащ абы и щхьэгъусэм мазаем и 10-м Тэрч къэзакъыдзэм и хэхыныгъэ зэхуэсым хыхьэу. КъищынэмыщIауэ, абы иджыри иратыжащ Попов Владимир хуагъэфэща Донецкэ цIыхубэ республикэм и ЛIыхъужьым и Дыщэ Вагъуэр.
Къэзакъыдзэм и зэхыхьэм къэрал, ведомствэ, члисэ, къэзакъ дамыгъэхэр щатащ.
Чайкэ Юрэ «Тэрч» гупым яритащ къэрал дамыгъэхэр УФ-м и Президентым и унафэм ипкъ иткIэ икIи УФ-м и Президентым и полномочнэ лIыкIуэу КИФЩI-м щыIэм къыбгъэдэкI фIыщIэ тхылъхэр.
На круге Терского казачьего войска были вручены государственные, ведомственные, церковные и казачьи награды.
Апхуэдэу гуманитарнэ дэIэпыкъуныгъэ щIэным зи гуащIэ хэзылъхьа атаманхэмрэ къэзакъхэмрэ я цIэ ираIуащ.