2023 гъэм щэкIуэгъуэм и 17-м Лермонтов къалэм ЩэнхабзэмкIэ и унэм щекIуэкIащ
епархием и «Православие и отечественная культура: потери и приобретения
минувшего, образ будущего» Хъуромэ къеджэныгъэхэм я XIII зэIущIэр. Зэхуэсым
хэтащ члисэ округхэм я благочиннэхэр, епархием и къудамэхэм я унафэщIхэр,
егъэджэныгъэмкIэ органхэм я унафэщIхэр, тхьэмахуэ школхэмрэ курыт
школхэмрэ я унафэщIхэмрэ егъэджакIуэхэмрэ
Пленарнэ зэIущIэр фIэхъусрэ докладкIэ къызэIухащ Пятигорск, Черкесск
епархием и архиепископ Феофилакт. «Чристэн диным щэнхабзэм щиIэ увыпIэр
къэлъытэгъуейщ. Инджылым къыщыхьахэр, урыс щэнхабзэм и лъабжьэ хъуахэм
я фIыгъэкIэ щэнхабзэ зэхуэмыдэхэм, дин щхьэхуэхэм итхэр мамыру зэдопсэу.
Жылагъуэм цIыху гъэсэныгъэмкIэ къэкIуэнум щинэхъыщхьэн хуейр
фIэщхъуныгъэмрэ щэнхабзэмрэщ. Мыбдеж дэращ зэлъытэжар а фIэщхъуныгъэр
зыхуэдэнумрэ щэнхабзэ лъапIэныгъэхэмрэ. Инджыл лъапIэныгъэхэмрэ
щэнхабзэ зыужьыныгъэмрэ а зыужьыныгъэр ди жылагъуэм зэрыхуэщхьэпэнур
си фIэщ мэхъу», - жиIащ Щихънагъым.
КъыкIэлъыкIуэу ягъэлъэпIащ «За нравственный подвиг учителя»,
«Лучший учитель Основ православной культуры», «Красота Божьего мира»
зэпеуэхэм щытекIуахэр.
Къеджэныгъэхэм я нэхъыщхьэ хъуащ тхакIуэ, литературоед, критик,
филологие щIэныгъэхэм я доктор Водолазкин Евгений зэрепсэлъар.
Къеджэныгъэм хэтхэр абы иригъэблэгъащ и лабораторэм урыс литературэм
теухуа и Iуэху еплъыкIэхэм. «Литературэр узэщIыныгъэу щытыфынукъым,
дунейм и къекIуэкIыкIэр къыщыгъэлъэгъуащи. Абы упщIэ нэхъыбэ егъэув,
жэуапхэм нэхърэ. А упщIэхэм тхылъеджэм езым жэуап иритын хуейщ.
Литературэр сыт щыгъуи Тхьэм и тыгъэщ», - жиIащ тхакIуэм. Зэхуэсахэм я
упщIэхэм жэуап щритым, Евгений «Лавр» романыр зэратхам теухуахэмкIэ
ядэгуэшащ.
Ставропольем, КъБР-м, КъШР-м, Ставрополь, Георгиевскэ епархиехэм
егъэджэныгъэмкIэ и министерствэхэм я лIыкIуэхэм фIэхъус яхащ.
«Цветные сны» гупым къеджэныгъэм хэтхэм хъуромэ теплъэгъуэ
яригъэлъэгъуащ.