2023 гъэм щэкIуэгъуэм и 1-м. Пятигорск Горький М. И цIэр зезыхьэ и библиотекэм
конференцэ щекIуэкIащ, революцэмкIэ ягъэкъуаншэхэр илъэси 105-рэ зэрырикъум
къыхэкIыу.
Библиотекэм и унафэщIхэм конференцэм ирагъэблагъэри абы щызэхуэсащ
Каказым и Минводы и егъэджакIуэхэмрэ курыт еджапIэхэмрэ къикIахэр, къалэм и
библиотекэхэм я лэжьакIуэхэр, Пятигорск и лъахэхутэ музейм и лэжьакIуэхэр, Пятигорск
епархием и Успенскэ Второафонскэ Бештаурскэ къулъшырыфым къикIахэр, иеромонах
Елевферий (Казаков), иеромонах Иоанн (Галумов).
Илъэси 105-рэ и пэкIэ Пятигорск и кхъэм щаукIауэ щытащ Урысей империем и
цIыху 59-рэ, 47-р ягъэтIысащ контрреволюцэ Iуэхум зэрыхэтам папщIэ. Кавказ Ищхъэрэм
и комиссэм хэтхэм Атарбеков Георгий я пашэу унафэ къащтат а цIыхубзхэмрэ
цIыхухъухэмрэ яукIыну. Абыхэм ящыщт ЕссэнтIыгу станицэм и Николаевскэ станицэ
члисэм и щоджэн Рябухин Иоанн.
«Революцэм и бийхэм» ялъ ящIэжащ 1918 гъэм жэпуэгъуэм и 21-м Кавказ
Ищхъэрэм Совет властым и унафэщIу щытахэр яукIри: Рубин Абрам, Крайний Моисей,
Рожанский Борис, Дунаевский Семен. Пэжщ Дзэ плъыжьым хэтхэм щэкIуэгъуэм и 1-м
яукIахэм а Iуэхум зыри халэжьыхьатэкъым.
Конференцэ нэужьым тепсэлъыхьащ Урысейм къыщыхъуа Граждан зауэм и
гузэвэгъуэхэм, абы къытрамыгъэзэжын папщIэ.