2023 гъэм жэпуэгъуэм и 23-27-хэм Черкесск къалэм ЕгъэджэныгъэмкIэ и центр
№11-м дерс зэIухахэр щрагъэкIуэкIащ. Ар теухуауэ щытащ политикэ залымыгъэ зрахахэм
я фэеплъым.
2-4, 8-9 классхэм я еджакIуэхэм къащIащ чристэн фIэщхъуныгъэм и лIыхъужьхэу
Пятигорск епархиер зэрыгушхуэхэр, зи фIыгъэкIэ зэхэзехуэнхэм я зэманым Чристэн
диныр хамыгъэкIуэдэжахэр. Абы сабийхэм яхутепсэлъыхьащ епархием щихъхэр канон
щIынымкIэ и секретарь щоджэн Гурин Александр. Щоджэным еджакIуэхэр хигъэгъуэзащ
дэфтэр-следственнэ Iуэхухэм, чристэн щоджэнхэм я сурэтхэм, зи фIэщхъуныгъэм
къыхэкIыу зэхэзехуэн ящIахэр.
8-9 классхэм я еджакIуэхэр щыIащ политикэ залымыгъэ зрахахэм я фэеплъым.
Сабийхэр хагъэгъуэзащ къэрэшей, къэзакъ лъэпкъхэр я щIыналъэм зэрырагъэIэпхъукIар.
Жэпуэгъуэм и 29-м щоджэныр щыIущIащ Черкесск къалэм и Никольскэ соборым и
гъэсэнхэм. Александр къытеувыIащ къэралым и цIыхубэр гугъу зэрырагъэхьар, Члисэр
зэхэзехуэн зэращIам. Апхуэдэу къытеувыIащ Къэрэшей-Шэрджэсым и щоджэнхэм я
гъащIэм.
2023 гъэм жэпуэгъуэм и 30-м «История Церкви и казачества» музей Черкесск
къалэм и Никольскэ соборым щылажьэм Хабеков Умар и цIэр зезыхьэ Педколледжым и 1
курсымм и студентхэм папщIэ зэIущIэ къыщызэрагъэпэщащ. Абы сурэтхэр,
фIэщхъуныгъэ быдэ зиIа цIыхухэм я дэфтэрхэр щагъэлъэгъуащ.
Иджыри зы зэIущIэ къыщызэрагъэпэщащ республикэм узыншагъэр щрагъэфIакIуэ
«Надежда» социальнэ центрым. Щоджэныр къытеувыIащ къэралым и зэман мытыншым –
1917 гъэм къэхъуа Революцэм, Граждан зауэм.
А махуэ дыдэм Усть-Джегуты сабий зеиншэхэм я Унэм щекIуэкIащ зэIущIэ.
Сабийхэм яфIэгъэщIэгъуэну зыщаплъыхьащ Теберда Ищхъэрэ къуажэм и Сентинск
Спасо-Преображенскэ къулъшырыфым и монаххэм я сурэтхэр.
Усть-Джегуты къалэм и «Забота» сабий унэм и гъэсэнхэм зыхагъэгъуэзащ Урыс
Члисэм Тхьэм папщIэ бэлыхь куэд зрагъэшэча, гуэныхьхэр зрагъэIуэтэжа и цIыхухэм я
гъащIэм.
КъыкIэлъыкIуэ зэIущIэр «Воин» дзэ-патриот клубым и гъэсэнхэм драгъэкIуэкIащ.
Спортсменхэм ягу дыхьащ къэзакъхэм я лIыкIуэхэм я гъащIэр.
Зэхыхьэм хэтахэм къыхагъэщащ блэкIам и напэкIуэцI гузэвэгъуэхэм
къытрагъэзэжын зэрыхуэмейр.