2023 гъэм фокIадэм и 15-17-хэм Тэрч щыщ къэзакъ шууей 40 я атаман Синицин
Александр я пашэу, щоджэнхэу Капарулин Константинрэ щоджэн Федюнин Дионисийрэ я
гъусэу махуищкIэ шууей зекIуэ щыIащ. Ар траухуащ Тэрч къэзакъ зэгухьэныгъэм и
атаману щыта Бондарев Василий и фэеплъымрэ Кировскэ округым и Коммаяк къуажэм
щыщ къэзакъ, хэку зауэшхуэм жыджэру хэта Погореловэ Юлэ къызэралъхурэ илъэси 100
зэрырикъумрэ. Дон къэзакъыдзэм и етхуанэ гвардие кавалер корпусым хэту ар Ставрополь
щыщIэдзауэ Австрием нэс кIуащ.
Хабзэ зэрыхъуауэ, зекIуэр зэгъусэ тхьэлъэIукIэ ирагъэжьащ. Солдато-
Александровскэ къуажэм мэремым икIри КоммаяккIэ яунэтIащ. КъыкIэлъхыкIуэу ахэр
Горькая Балка къуажэм кIуащ. Абы къэзакъхэм жэщыр щагъэкIуащ.
Щэбэтым шууей 40 хъу гупыр Зеленокумск кIуащ, километри 100 хагъэщIри.
Къалэм и къэзакъ зэгухьэныгъэм и губгъуэм къэзакъхэр къыщыIущIащ, округым и
Iэтащхьэ Гультев Сергей, Воронцово-Александровскэ районым и къэзакъ зэгухьэныгъэм и
атаман Деревянкэ Николай, Тэрч округым и благочиннэ щоджэн нэхъыжь Квитченкэ
Роман, щIыналъэм исхэр.
ЗэIущIэрэ фIыщIэ тхьэлъэIурэ зэхэтащ щоджэнхэм къызэрагъэпэщри.
Ставропольем и къэзакъихым я зэфIэкIхэр къагъэлъэгъуащ. Солдато-Александровскэ деж
щызэхуащIыжащ зекIуэр.