2023 гъэм фокIадэм и 19-м Тхьэм папщIэ бэлыхь куэд зрагъэшэча Солунский
Димитрий и цIэр зезыхьэ члисэм и Iэгъуэблагъэ Калиновскэ къуажэм щыIэм щекIуэкIащ
Ставропольскэ митрополием и Георгиевскэ, Пятигорскэ, Ставропольскэ епархиехэр
канонизацэ щIынымкIэ комиссэм и унафэщIхэмрэ лэжьакIуэхэмрэ я зэхуэс.
ЗэIущIэм хэтащ: Георгиевскэ епархием канонизацэ щIынымкIэ и комиссэм и
унафэщI щоджэн нэхъыжь Сорочинский Владимир; Пятигорск епархием канонизацэ
щIынымкIэ и комиссэм и унафэщI иеромонах Елевферий (Казаков04 Ставропольскэ
епархием канонизацэ щIынымкIэ и комиссэм и унафэщI щоджэн Шишкин Евгений,
Дмитриевскэ члисэм и унафэщI щоджэн нэхъыжь Гончаров Анатолий. ЗэIущIэм и пэ
къихуэу щоджэнхэм щоджэн Слипухин Иоанн и кхъащхьэм деж тхьэлъэIу
щрагъэкIуэкIащ.
1918 гъэм къэхъуа Iуэхугъуэр зи нэгу щIэкIам ипхъу Исаковэ Евдокие, и адэ
Василий и псалъэмкIэ, Иоанн и фIэщхъуныгъэм зэремыпцIыжам папщIэ бэлыхь
трагъэлъащ. Къуажэдэсхэм ар щIалъхьэжащ. 1919 гъэм мэлыжьыхьым Тхьэм папщIэ
бэлыхь куэд зрагъэшэчар члисэм и Iэгъуэблагъэм, абы и тыхь щIапIэм пэмыжыжьэу
щыщIалъхьэжащ. Щоджэн Слипухин Иоанн и кхъащхьэм деж абы лъандэрэ
фIэщхъуныгъэ зиIэхэр Тхьэ щолъэIу.
ЗэIущIэр щыщIидзэм Шишкин Евгений къызэхуэсахэм я пащхьэм щигъэлъэгъуащ
«Первые на Ставрополье новомученики Церкви Русской» и монографиер. Ар теухуащ
2022 гъэм шыщхьэуIум куэдрэ зи цIэ ираIуа щоджэнхэу Златорунский Григорийрэ
Семёнов Димитрийрэ. Ставрополь епархием щихъхэр канон щIынымкIэ и комиссэм и
унафэщIыр къытеувыIащ Тхьэм папщIэ бэлыхь куэд зрагъэшэчахэм ятеухуахэр
зэхуэхьэсыным ехьэлIа лэжьыгъэхэм икIи упщIэхэм жэуап иритащ.
ЕссэнтIыгу станицэм и Никольскэ члисэм и клирик Рябухин Иоанн тепсэлъыхьащ
иеромонах Елевферий. Щоджэн нэхъыжь Сорочинский Владимиррэ щоджэн нэхъыжь
Гончаров Анатолийрэ зэхуэсахэм жраIэжащ щоджэн Слипухин и гъащIэм теухуахэм
щыщхэр.
ЗэIущIэм хыхьэу епархием и лIыкIуэхэр я Iуэху еплъыкIэхэмкIэ зэдэгуэшащ
дяпэкIэ Ставрополь крайм къулыкъу щызыщIа щоджэнхэу щихъ хъуахэм, мамыр
цIыхухэм ехьэлIауэ зэрызэдэлэжьэнум и IуэхукIэ.