2023 гъэм шыщхьэуIум и 26-м Черкесск къалэм и Никольскэ соборым щекIуэкIащ
II Фостиковэ къеджэныгъэхэр. Абы хыхьэу къызэрагъэпэщащ Граждан зауэр
къызэрыхъейрэ илъэси 105-рэ зэрырикъум теухуа тхыдэ конференцэ.
Конференцэр Граждан зауэм хэкIуэдахэм я тхьэлъэIукIэ къызэIуахащ. Абы хэтащ
соборым екIуалIэхэр, щIалэгъуалэр, Пост № 1-м и штабым и гъэсэнхэр, «Воин» дзэ-
патриот клубым къикIахэр, ДОСААФ-м и дзэ-патриот клубым щыщхэр, къалэм
и «Пластун» Баталпашинскэ къэзакъ зэгухьэныгъэм и лIыкIуэхэр.
Конференцэм доклад ящIу къыщыпсэлъащ тхыдэджхэр, лъахэхутэхэр, Москва,
Краснодар, Ставрополь, Армавир, Черкесск, Отраднэ станицэм щыщ тхакIуэхэр.
Языныкъуэхэм я къэпсэлъэныгъэр траухуащ генерал-лейтенант Фостиков Михаил и
гъащIэмрэ гуащIэмрэ. Михаил и къуэрылъху, Сербием щыпсэу Фостиковэ Татьянэ и
псалъэр триухуащ и гукъэкIыжхэм.
Фостиевэ къеджэныгъэхэр мы гъэм етIуанэу къызэрагъэпэщ. Абы и мыхьэнэр
щIалэгъуалэм я деж тхыдэм и пэжыр нэхьэсынырщ, тхыдэм и щыуагъэхэм
къытрамыгъэзэжын папщIэ, къэралым и къэкIуэнур абы елъытэжащи. Апхуэдэу мыхьэнэ
иIэщ Фостиков Михаил и гъащIэр джыным. Ар Баталпашинскэ станицэм къыщыхъуащ, ди
къэралым куэд хуилэжьащ, профессору щытащ, щIалэгъуалэм я гъэсэныгъэм телэжьащ.
Черкесск и Никольскэ соборым и щоджэн гурин Александр жиIащ зыщагъэгъупщэ
зэрымыхъунур.
Апхуэдэу конференцэм доклад къыщеджащ Члисэр зэхэзехуэн зэращIам теухуауэ,
Урысей армэм и дзэзешэ пашэхэр Iэпхъуэн хуей щIэхъуам. Апхуэдэу зи щIыналъэм
ирагъэIэпхъукIахэм ящыщщ Рябухин Иоанн.
Конференцэр щиухым Iэнэ ягъэуващ «Заморозка №1 тыкуэныр зей Крикунов
Дмитрий къызэригъэпэщри.