2023 гъэм мэкъуауэгъуэм и 22-м, Хэку зауэшхуэм и пэ къихуэу, «Журавли»
фэеплъым деж «Фэеплъым и шэху уэздыгъэ» Iуэхур щекIуэкIащ. ПэкIум хэтащ
Кисловодск къалэм и Iэтащхьэ Моисеев Евгений, Думэм и унафэщI Волошинэ Любовь,
Псыхуабэ епархием Кисловодск щиIэ округым и благочиннэ щоджэн нэхъыжь
Знаменский Иоанн, «Беркут» дзэ-патриот клубым и кадетхэр, къалэ-зыгъэпсэхупIэм
щыпсэухэр.
Къызэхуэсахэм защыхуигъазэм, Иоанн къыхигъэщащ лIыхъужьхэм я фэеплъыр ягу
къагъэкIыжыну зэрызэхуэсар, игъащIэкIэ зи цIэр мыкIуэдыжынухэр. Щоджэным
къыхигъэщащ Хэкур хъумэныр сыт щыгъуи Тхьэр арэзы зытехъуэ Iуэхуу икIи ар сэлэтым
и къалэну зэрыщытыр. Благочиннэм псори къыхуриджащ я нэхъыжьхэм я фэеплъыр
яхъумэну, зи гъащIэр Хэкум щIэзытахэр.
Зы дакъикъэкIэ щыгъуа нэужь дзэ фэеплъым деж удз гъэгъахэр тралъхьащ икIи
шэху уэздыгъэхэр щыпагъэнащ, зэрыщыгъуэм и нэщэнэу. Щыгъуэ махуэм ирихьэлIэу
пэкIур къызэрагъэпэщащ «Офицерсккая честь» Союзымрэ «Дружба» щэнхабзэ-
узэщIыныгъэ центрымрэ.
А махуэ дыдэм Никольскэ члисэ зэхуэхьэсам пэкIу щекIуэкIащ. Абы ягу
къыщагъэкIыжащ зи фIэщхъуныгъэм, Хэкум, цIыхубэм папщIэ зи псэ зытахэр, Хэку
зауэшхуэм хэкIуэдахэр. Хэку зауэшхуэм хэта щоджэн нэхъыжь Воронин Илья, Акульшин
Иоанн, ветеранхэм члисэ зэхуэхьэсам екIуалIэхэр, зи гъащIэр ТекIуэныгъэм щIэзытахэр,
тылым щылэжьахэр.
«Святыни земли родной» члисэ-тхыдэ музейм цIыхухэр социальнэу хъумэнымкIэ
центрым и нэIэм щIэтхэмрэ члисэм екIуалIэхэмрэ ирагъэплъащ Члисэм Хэку зауэшхуэм
щиIа мыхьэнэм, уIэгъэ хъуа сэлэтхэр къезыгъэла щихъ Крымский Лукэ теухуа фильм.