2023 гъэм мэкъуауэгъуэм и 1-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Тхьэм и Анэм и Владимирскэ тхьэнапэ Новопавловскэ къалэм щыIэм. Троицкэ адэ-анэ щэбэтым пащтыхь шэнтиуэ махуэшхуэр къагъэIэпхъуащ.
Щоджэн нэхъыщхьэм къулыкъур драгъэкIуэкIащ Псыхуабэ епархием и Новопавловскэ округым и щоджэнхэм благочиннэ щоджэн Гордин Александррэ къардэн нэхъыжь Кубэ Димитрийрэ. Пастыр нэхъыщхьэр ирагъэблэгъащ Кировскэ къалэ округым и Iэтащхьэ Новопашин Николайрэ Павловскэ къэзакъ зэгухьэныгъэм и къэзакъхэмрэ, Щихънагъым и гъусэу Тхьэ елъэIуащ къалэдэсхэр.
Литургие нэужьым щоджэн нэхъыщхьэм зэгъусэ тхьэлъэIур иригъэкIуэкIащ, Тхьэм и Анэр игъэлъапIэри, фIэщхъуныгъэ зиIэхэм узэщIыныгъэкIи захуигъэзащ.
А махуэ дыдэм архиепископ Феофилакт узыншагъэр щрагъэфIакIуэ «Заря» центрымрэ Сабий унэ №19-мрэ щыIащ. Центрым и гъэсэнхэмрэ унэм щыпсэухэмрэ Щихънагъыр махуэшхуэм ирагъэблэгъащ Сабийхэр хъумэным и дунейпсо махуэм и щIыхькIэ.
Пастыр нэхъыщхьэр сабийхэм гуапэу ехъуэхъуащ, гъэмахуэм и япэ махуэмкIэ, джэгукIэхэр, спорт Iэмэпсымэхэр тыгъэ яхуищIащ. ЕгъэджакIуэхэмрэ гъэсакIуэхэмрэ я саугъэт нэхъыщхьэ хъуащ Тхьэм и Анэм и тхьэнапэ Сабий унэм тыгъэ къыхуищIар. Щихънагъым псоми морожнэ яритащ.