Москва щызэхалъхьэжащ сабий ныкъуэдыкъуэхэмрэ абыхэм я унагъуэхэмрэ ядэIэпыкъуным и IуэхукIэ «Меняем мир вместе» НКО-м и лэжьыгъэ нэхъыфIым теухуа урысейпсо зэпеуэм кърикIуахэр. Зэпеуэр къызэригъэпэщащ сабий ныкъуэдыкъуэхэм я адэ-анэхэм я урысейпсо зэгухьэныгъэм (ВОРДИ) УФ-м и Правительствэм и Советыр и дэIэпыкъуэгъуу. Ар къызэрагъэпэщащ мыкоммерцэ IуэхущIапIэхэм я лэжьыгъэхэр ягъэлъэпIэн папщIэ, ОВЗ узыфэ зиIэ сбаийхэм зэрадэIэпыкъум папщIэ.
ЩIыналъэ Iыхьэхэм щытекIуахэр УФ-м и Жылагъуэ палатэм и зэIущIэм щызэхуэсащ. «Лучшая региональная практика НКО в сфере адаптивной физической культуры и спорта» унэтIыныгъэм япэ увыпIэр къыщихьащ Псыхуабэ епархием иппотерапиемкIэ и «Целебный Ессентуки» центрым. Центрым и унафэщI щоджэн Тростинский Сергий иратащ щIыхь тхылъымрэ медалымрэ. ОВЗ узыфэ зиIэ сабийхэмрэ ныбжьыщIэхэмрэ я узыншагъэр ирагъэфIэкIуэнымкIэ центрым и проектыр хагъэхьащ УФ-м и НКО практикэ нэхъыфIхэм я Реестрым.