2023 гъэм накъыгъэм и 28-м Кисловодск къалэм Тхьэм папщIэ бэлыхь куэд зрагъэшэча Гливенкэ Димитрий и цIэр зезыхьэ тхьэмахуэ школ Никольскэ члисэ зэхуэхьээсам къедзам и гъэсэнхэм фIыщIэ тхьэлъэIукIэ щызэхуащIыжащ гъэ еджэгъуэр.ТхьэлъэIур иригъэкIуэкIащ щоджэн нэхъыжь, егъэджакIуэ Чеканов Димитрий.
ТхьэлъэIу нэужьым сабийхэр кIуащ «Святыни земли родной» члисэ музейм. Димирий еджакIуэхэм яхутепсэлъыхьащ Вознесения махуэшхуэм, апостол пэлъытэхэу зэкъуэш Кириллрэ Мефодийрэ, сабийхэр къыхуриджащ тхылъ нэхъыбэрэ еджэну, члисэм гъэмахуэм кIуэну зыщамыгъэгъупщэну. Сабийхэр еплъащ члисэ-савяныбзэр къызэзыгъэпэщам теухуа «Радость небесная» фильмым. Иужьрей гъэ еджэгъуэм псоми шоколад, тхылъхэр тыгъэ хуащIащ.
Абы и пэ къихуэу школым и гъэсэнхэм я иужьрей дерсыр зыгъэпсэхупIэ паркым щрагъэкIуэкIащ. Я егъэджакIуэ щоджэн нэхъыжь Чеканов Димитрийрэ я егъэджакIуэхэмрэ я гъусэу ахэр паркым ит Пантелеимоновскэ члисэ цIыкIу «Луч» санаторэм пэгъунэгъуу щыIэм кIуащ. Члисэм пэгъунэгъу тетIысхьэпIэм тетIысхьэри щоджэным щихъ Николай и гъащIэмрэ гуащIэмрэ теухуауэ къиIуэтэжхэм едэIуащ.
ИужькIэ сабийхэр спорт утым кIуэри хьэуа къабзэм хэту джэгуащ. Тхьэмахуэ школым и гъэсэнхэм къыщагъэзэжым удз гъэгъахэм еплъащ. Паркым щата дерсыр еджакIуэхэм ягу дыхьащ.