2023 гъэм накъыгъэм и 23-м Кисловодск къалэм и Чристэн Свято-Никольскэ
классическэ гимназием зэхыхьэ щекIуэкIащ Иужьрей уэзджынэм теухуауэ. Махуэшхуэр
тхьэлъэIукIэ ирагъэжьащ икIи гимназием и гимныр жаIащ, гимназием и штандартыр
къыщIахри. 11-нэ, 9-нэ классхэр къэзыуххэр ирагъэблэгъащ.
Чристэн гимназием и унафэщI щоджэн нэхъыжь Знаменский Иоанн школыр
къэзыуххэмрэ я адэ-анэхэмрэ ехъуэхъуащ, гимназиер къызэзыгъэпэща Псыхуабэ,
Черкесск щIыналъэхэм я архиепископ и нэфIыр къащыхуэну захуигъэзащ.
Махуэшхуэм хэтащ: къалэ думэм и унафэщ Волошинэ Любовь, къалэ
администрацэм и муниципальнэ къэпщытэныгъэмрэ сату IуэхухэмкIэ и Управленэм и
унафэщI Писарев Юрэ, Кисловодск къалэм егъэджэныгъэмкIэ и Управленэм и IэщIагъэлI
нэхъыжь Милохин Александр, гимназием и Попечительскэ советым и унафэщI Савельев
Владимир. ХьэщIэхэр гимназиер къэзыуххэм ехъуэхъуащ, экзаменхэр псынщIэ ящыхъуну,
гъащIэ гъуэгу пэж къыхахыну.
Гимназиер къэзыуххэм фIыщIэ хуащIащ гимназием и унафэщIым, япэ
егъэджакIуэм, я класс унафэщIым. ИужькIэ япэ классым кIуэхэр усэ къеджащ.
Гимназием и унафэщIым япэ классым кIуэхэм щIыхь тхылъ яритащ «День Победы
глазами детей» зэпеуэмрэ «Этих дней не смолкнет слава» викторинэмрэ зэрыщытекIуам
папщIэ. ЕджакIуэхэм я егъэджакIуэхэм удз гъэгъахэр иратащ.
Гимназиер къэзыуххэм захуигъэзащ гимназием и унафэщIым. Иоанн щIалэгъуалэм
ехъуэхъуащ Тхьэр къадэIэпыкъуну, гъэмахуэ зыгъэпсэхугъуэр къехъулIэну.
Иужьрей уэзджынэр ягъэзууащ. Ар кърагъэуащ 11 классым щIэсхэу Алиев-Курбан
Романрэ, япэ классым кIуэ Федоркинэ Елизаветэрэ.