2023 гъэм накъыгъэм и 12-13-хэм Ставрополь къалэм щекIуэкIащ Ставрополь
епархиер илъэси 180-рэ зэрырикъум теухуа гуфIэгъуэ зэхыхьэхэр. Махуэшхуэр
щрагъэжьащ Ставрополь драмэмкIэ и академическэ театр Лермонтов М. Ю. И цIэр
зезыхьэм, накъыгъэм и 12-м Ставропольскэ (Кавказскэ) епархием и Актовэ махуэр
щагъэлъэпIам. Зэхыхьэр къызэIуихащ Ставропольскрэ Невинномыскрэ я митрополит
Кирилл. Ар къеджащ Москварэ Урысей псомрэ я Патриарх Кирилл и хъуэхъум икIи
фIэхъускIэ захуигъэзащ къызэхуэсахэм. Абы хьэщIэ лъапIэхэр яхэтт. Апхуэдэхэт Урыс
Чристэн Члисэм и щоджэн нэхъыщхьэхэр: Ростовскрэ Новочеркасскрэ я митрополит
Меркурий, Екатериноградскрэ Кубанскрэ я митрополит Григорий, Псыхуабэ, Черкесск
щIыналъэхэм я архиепископ Феофилакт, Элистинскрэ Калмыцкрэ я архиепископ
Юстиниан, Владикавказскрэ Аланскрэ я архиепископ Герасим, Георгиевскрэ
Прасковейскрэ я щихънагъ Гедеон, Нижегородскэ епархием и викарий щихънагъ
Иннокентий, властым и лIыкIуэхэр, щоджэнхэр, члисэхэм екIуалIэхэр, хьэщIэхэр.
Къызэхуэсахэм я пащхьэм къыщыпсэлъащ Урысейм и Президентым и полномочнэ
лIыкIуэу КИФЩI-м щыIэм и лIыкIуэхэр, Ставрополь крайм и Правительствэм щыщхэр,
УФ-мрэ Ставрополь краймрэ я Къэрал Думэм и депутатхэр.
Апхуэдэу къызэхуэсахэм зыхуагъэзащ Ставрополь юбилей зэхыхьэм къэкIуахэр.
Семинариер къэзыуххэм я цIэкIэ къэпсэлъащ Псыхуабэ, Черкесск щIыналъэхэм я
архиепископ Феофилакт. Щихънагъыр къеджащ щихъ Брянчанинов Ингатий и псалъэхэм:
«Щихъ Игнатий и псалъэхэр, блэкIам икIи къэкIуэнум щыщкъым. Ар нобэрей
махуэм къозэгъ. Ар щалъхуа, щылэжьа, зи гъусэу Тхьэ елъэIуу щыта щIыналъэм исхэр
фIыуэ зылъагъухэм ящыщт. Абы епархием и унагъуэшхуэ, епархием и унэр
иригъэфIакIуэрт, иджы Тхьэм и нэфI зыщыхуа КавказкIэ дызэджэр. НэхъыжьыфIхэр ар
ягъэлъапIэу къекIуэкIащ иджыри абы нобэ щылажьэхэм ар ягъэлъапIэ – пастыр
нэхъыщхьэхэм, щоджэнхэм, монаххэм, къуэшхэмрэ шыпхъухэмрэ, къэзакъхэм – нобэ зы
унагъуэшхуэу щытхэм».
Хъуэхъу нэужьым къызэхуэсахэр еплъащ «Торжество православия Земли
Кавказской» фильмым. Зэхуэсыр щиухым театр музыкэ теплъэгъуэ
ягъэлъэгъуащ, епархием и юбилейм теухуауэ.
ИужькIэ архиепископ Феофилакт пастыр нэхъыщхьэхэм я гъусэу Тхьэ
елъэIуащ Ставрополь и архиерей дунейм ехыжахэр – митрополит Антоний
(Завггородний), митрополит Гедеон (Докунин) щыщIалъхьа, щихъ апостол
Первозванный Андрей и цIэр зезыхьэ члисэм и Iэгъуэблагъуэ Ставрополь
къалэм и щIыпIэм деж. ТхьэлъэIур иригъэкIуэкIащ Ставрополь и духовнэ
семинариер къэзыуха, Сормовск и щихънагъ Иннокентий, Нижегородскэ
епархием и викарийр.
А махуэ дыдэм Ставрополь митрополием и Щоджэн нэхъыщхьэм и
советым и зэIущIэ зэхэтащ. Пастыр нэхъыщхьэхэм гулъытэ нэхъыбэ хуащIащ
IэщэкIэ зэщIэузэда къарухэмрэ хабзэхъумэ IэнатIэхэмрэ ядэлэжьэным, зауэ
операцэ хэхам щыIэхэм я нэIэ тетыным и IуэхукIэ щоджэнхэм я къулыкъум.
А махуэм и пщыхьэщхьэм Ставрополь къалэм и Андреевскэ члисэ
зэхуэхьэсам тхьэлъэIу щекIуэкIащ. Пастыр нэхъыщхьэхэм къулыкъур
драгъэкIуэкIащ Ставрополь духовнэ семинарием и егъэджакIуэхэм, епархием и
клирикхэм.
2023 гъэм накъыгъэм и 13-м, щихъ Брянчанинов Игнатий и фэепъ махуэм,
Кавказскэ и епископым, архиепископ Феофилакт, щоджэн нэхъыщхьэхэм я
гъусэу, Ставрополь митрополием и Iэтащхьэм и гъусэу, Ставрополь къалэм и
Къэзан федеральнэ члисэ зэхуэхьэсам тхьэлъэIу къулыкъур щыдищIащ.
ТхьэлъэIум хэтащ: Ставрополь духовнэ семинарием и студентхэмрэ
егъэджакIуэхэмрэ, къэзакъхэм я лIыкIуэхэр, игумение Иоанн (Лихоманов) и
цIэр зезыхьэ Иоанно-Мариинскэ цIыхубз къулъшырыфым и унафэщIым
шыпхъухэр и гъусэу, Свято-Успенскэ гимназием и егъэджакIуэхэмрэ
гъэсэнхэмрэ, Свято-Владимирскэ къэзакъ гимназием щеджэхэр, чристэн
классическэ гимназием и егъэджакIуэхэмрэ гъэсэнхэмрэ, апостол пэлъытэ щихъ
Кириллрэ Мефодийрэ я цIэр зезыхьэу Невинномыск къалэм дэтым, епархием и
управленэм и лэжьакIуэхэр, Архиерей къэзакъ конвойм и къэзакъхэр, чристэн
къэлъыхъуакIуэхэм я гъэсэнхэр, фIэщхъуныгъэ зиIэхэр, хьэщIэхэр, Ставрополь
епархиер илъэси 180-рэ зэрырикъум теухуа юбилей зэхыхьэм къэкIуахэр.
Литургие нэужьым пастыр нэхъыщхьэхэм тхьэлъэIу ирагъэкIуэкIащ,
щихъ Брянчанинов Игнатий и тхьэнапэм и пащхьэм деж, абы и къарум щыщ
Iыхьэхэм я ковчегыр яIыгъыу.