2023 гъэм гъатхэпэм и 27-м, Псыхуабэ епархием Налшык щиIэ округым и
благочиннэ щоджэн нэхъыжь Бобылев Валентин благочинием и щоджэнхэм яIущIащ,
тутнакъым исхэм ядэлэжьэнымкIэ жэуаплыныгъэ зыхьыр. Щоджэнхэмрэ УИС-м и
лэжьакIуэхэмрэ я урысейпсо семинарым хэтащ, жэкъуахэр гъащIэ узыншэм
къыхэшэжыным и IуэхукIэ.
Семинарыр видеоконференц зэпыщIэныгъэкIэ екIуэкIащ. Урыс Чристэн Члисэм и
Синод къудамэм и унафэщIым тутнакъым къулыкъу щыщIэнмкIэ и къуэдзэ щоджэн
Алексеев Алексей щоджэнхэм я лэжьыгъэхэм тепсэлъыхьащ, фIэщхъуныгъэ зиIэхэм
драгъэкIуэкI Iуэхухэм тегъэщIауэ. Синод къудамэм 2022 гъэм зэфIигъэкIахэми
къытеувыIащ.
ИужькIэ социальнэ психологиемрэ социальнэ лэжьыгъэмкIэ Урысей ФСИН-м и
Академием и кафедрэм и егъэджакIуэ Ананьев Олег ядэгуэшащ ягъэтIысахэр гъащIэ
узыншэм къыхэшэжыным теухуа и лэжьыгъэхэм.
Семинар нэужьым Валентин удз гъэгъахэр щигъэтIылъащ ФСИН-м и лэжьакIуэ зи
къалэн зыгъэзащIэу хэкIуэдахэм я кхъащхьэм.