2023 гъэм гъатхэпэм и 23-м Май районым цIыхухэм социальнэ Iуэхутхьэбзэхэр
щыхуащIэ и Центрым щекIуэкIащ социальнэ къулыкъу щIэнымкIэ «Сильные духом» -
«Встреча с любимым батюшкой!» проектыр.
Зэхыхьэм хэтщ зи узыншагъэм къимыхь сабийхэр, зэман куэдкIэ унэм
къыщIэмыкIахэр, зи адэ-анэр гугъу зыдехьхэр. Сабийхэр зэ нэхъ мыхъуми
члисэм щыIатэкъым. Лэжьыгъэ куэд къапэщылъщ.
Новоивановскэ къуажэм и Иоанно-Богословскэ члисэм и унафэщI щоджэн
Бондарь Виталий сабийхэмрэ я адэ-анэхэмрэ я пащхьэм къыщыпсэлъащ,
чристэн хабзэхэм къытеувыIащ, нэщI Иным, члисэ хабзэхэм, тхьэлъэIу
тхылъхэр тыгъэ яхуищIащ, гъэнэхуа псым щыщ лъигъэIэсащ.
КъызэгъэпэщакIуэхэм яубзыхуащ «Сто вопросов к священнику» зэIущIэр,
«Пасхальное чудо» Iуэхур, Къэбэрдей-Балкъэрымрэ Кавказ Ищхъэрэмрэ я
щIыналъэ лъапIэхэм зыщыплъыхьыныр.
Центрым и унафэщI Гусевэ Татьянэ проектым хэтхэм фIэхъус ярихащ
икIи къыхигъэщащ проектым зэрыхэтым и фIыгъэкIэ сабийхэм ныбжьэгъу
къызэрагъуэтынур, я зэфIэкIхэр къызэрагъэнэIуэнур, зэрызаужьынур.