«Машук» центрым щыпащэ сабийхэмрэ щIалэгъуалэмрэ дзэ-патриот
гъэсэныгъэмкIэ я унэтIакIуэхэр гъэхьэзырыным. «Твой герой» проектыр 2023 гъэм
гъатхэпэм и 14-м ирагъэжьащ. Ар теухуащ дзэ операцэ хэхар щIалэгъуалэм я хэку
лъагъуныгъэм хэгъэхьэным. Проектым хыхьэу дзэ операцэ хэхам хэтахэм я щIэныгъэр
хагъэхъуэну, ахэр иджыри ягъэхьэзырыну я мурадщ.
Проектым хэтхэм я пащхьэм къыщыпсэлъащ къэзакъхэм ядэлэжьэнымкIэ епархием
и къудамэм и унафэщI щоджэн нэхъыжь Фещенкэ Стефан. Нэхъыщхьэу ахэр
тепсэлъыхьащ къэзакъ щIалэгъуалэм я гъэсэныгъэм. Ар къытеувыIащ Члисэмрэ
къэзакъхэмрэ зэрызэдэлэжьэнум Псыхуабэ епархиер я щапхъэу икIи семинарым хэтахэм
Щихънагъым къыбгъэдэкI псалъэхэр ялъигъэIэсащ.
Проектым хэтхэм щIалэгъуалэм ядэлэжьэн щIадзэнущ мы гъэм и гъэмахуэм. Япэу
центр 12 къыщызэIуахнущ: Бурятием, Къалмыкъым, Тэтэрстаным, Донецкэ ЦIыхубэ
Республикэм, Шэшэн Республикэм, Хабаровскэ крайм, Белгородскэ, Кемеровскэ,
Псковскэ, Тюменскэ, Свердловскэ областхэм, Ямало-Ненецкэ автономнэ округым.
ИужькIэ щIыналъэ 89-м абы зыщрагъэубгъуну я мурадщ», - щыжаIащ «Знание» пресс-
IуэхущIапIэм.