2023 гъэм гъатхэпэм и 3-м Псыхуабэ епархием и «Анэхэм папщIэ унэ» кризис
центрым щекIуэкIащ епархием щэнхабзэмкIэ и къудамэм и унафэщI Стацюк Иннэрэ
ныкъуэдыкъуэхэм я «Родничок надежды» жылагъуэ зэгухьэныгъэ Санкт-Петербург
щылажьэм и унафэщI Жилевич Риммэрэ я зэIущIэ.
Риммэ къытеувыIащ ныкъуэдыкъуэхэм зэрызагъэхъужыну Iэмалхэм, урыс
щэнхабзэр, IуэрыIуатэр, макъамэр ныкъуэдыкъуэхэм я узыншагъэр егъэфIэкIуэнымкIэ
къызэригъэсэбэпым, цIыхубэ театр зэриухуэм, декоративно-прикдадной гъуазджэмрэ
художественнэ творчествэмри IэмалыфIу зэрыщытым Iуэхум хэтхэр хигъэгъуэзащ.
Музыкэ режиссёр Лебедевэ Ольгэ и гъусэу инклюзивнэ цIыхубэ театр
къызэрагъэпэщащ, ОВЗ узыфэ зыпкъырытхэм щадэлажьэу. Ольгэ тренингхэр
иригъэкIуэкIащ бзэм зрагъэужьын, цIыхубэ творчествэмрэ актёр Iэзагъэмрэ драгъэхьэхын
папщIэ.
ХьэщIэхэр тепсэлъыхьащ цIыхубэ театрым и социальнэ, щэнхабзэ мыхьэнэхэм,
грант зэпеуэм зэрыхэтынум къытеувыIащ. Гъатхэпэм и 4-м «Родничок надежды»
IуэхущIапIэр Сафоновым и цIэр зезыхьэ Музыкэ училищэм, Псыхуабэ къалэм и
Тхьэнапищ члисэм щыIащ.