2023 гъэм мазаем и 14-м Псыхуабэ епархием и унэм щызэхалъхьэжащ 2022 гъэм
«Терское общество любителей казачьей старины» Фондым зэфIигъэкIахэр. Ар
иригъэкIуэкIащ Псыхуабэ, Черкесск щIыналъэхэм я архиепископ Феофилакт, абы и
попечительскэ советым и унафэщIым. Фондым и унафэщI, Минераловодскэ къалэм и
зэгухьэныгъэм и атаман Губенкэ Олег отчетыр ищIащ. Абы тепщIыхьмэ, лэжьыгъэр
зыхуэныкъуэ щымыIэу къызэрагъэпэщащ.
Япэрауэ ар псапэ Iуэхущ. Тэрч зэгухьэныгъэм и лIыкIуэхэм гуманитар
дэIэпыкъуныгъэ хуащIащ Донецк икIи а щIыпIэм и Минздравым и республикэ
травматологие центрым зыхуеину Iэмэпсымэхэр яшащ, Илизарым и аппаратыр,
зыхуэныкъуэ хущхъуэгъуэхэр щIыгъуу.
Гъэ кIуам и шыщхьэуIум Минераловодскэ округым Фондым зэхуихьэса ахъшэмкIэ
фэеплъ щагъэуващ икIи Минводы 1942 гъэм къалэм и хъумакIуэхэм хуагъэувауэ щытащ.
КъыдэкIыгъуэ нэхъыщхьэ хъуащ Тэрч сборникым и 9-нэ къыдэкIыгъуэр, «Сборник
материалов для описания местностей и племен Кавказа» тхылъым ихуа тхыгъэхэм щыщ
зыхагъэхьар.
Шы зекIуэ къыщызэрагъэпэщащ Стврополь крайм и Iэгъуэблагъуэ зауэ щекIуэкIа
щIыпIэхэм. Япэ Тэрч конференцэр ирагъэкIуэкIащ илъэсым и кIэм, МГУ-м и профессор
Заседателевэ Лидие папщIэ. Конференцэм кърикIуахэр 10-нэ Тэрч сборникым
хагъэхьэнущ.
Тэрч зэгухьэныгъэм Iэ щаIэтащ ТОЛКС-м и щIэныгъэ советым хагъэхьэнухэр
къыхахри, «Евдокимовские чтения» щIэныгъэ-практикэ конференцэр
къызэрызэрагъэпэщынум тепсэлъыхьащ, Кавказ зауэм и лIыхъужь Евдокимов Н. И. мы
гъэм илъэси 150-рэ зэрырикъум и IуэхукIэ.
Шы зекIуэр мы зэм Минераловодскэ щIыналъэм щекIуэкIынущ, щихънагъ
Феофилакт и арэзыныгъэкIэ къэзакъхэр Тэрчыдзэм и хъумакIуэ щихъ апостол
Варфоломей и къарум щыщ Iыхьэ яIыгъыу кIуэнущ. Ар зэгъусэ тхьэлъэIу хъунущ,
Урысей щIыналъэм икIа щIалэхэм я мамыр гъащIэр зэфIэувэжын, чристэнхэр зэкъуэтын
папщIэ.
Зэхыхьэм кърикIуахэр щызэхилъхьэжым, пастыр нэхъыщхьэм къыхигъэщащ Тэрч
зэгухьэныгъэр къэзакъхэм зэращхьэпэр.