2023 гъэм мазаем и 13-м, схииеромонах Стефан (Игнатенкэ) дунейм зэрехыжрэ
илъэс 50 щрикъум, Псыхуабэ, Черкесск щIыналъэхэм я архиепископ Феофилакт Стефан и
псэр зэгъэн папщIэ Успенскэ Второафонскэ Бештаурскэ цIыхухъу къулъшырыфым и
Георгиевскэ члисэм тхьэлъэIу щригъэкIуэкIащ, къулъшырыфыр зэхуащIыжыху ар
щылэжьауэ щытам.
ИужькIэ ар щыщIалъхьэжа Кисловодск и Седлогорскэ кхъэм архиепископ
Феофилакт тхьэлъэIу щригъэкIуэкIащ, Псыхуабэ епархием и щоджэнхэм я гъусэу.
Лэжьэгъуэ махуэми, дунейр зэрымыуэфIми емылъытауэ, кхъэм цIыхушхуэ щызэхуэсащ,
схииеромонах Стефан и фэеплъым пщIэ хуэзыщIхэр.
А махуэ дыдэм Кисловодск и Никольскэ члисэ зэхуэхьэсам и «Святыни земли
родной» музейм щагъэлъэгъуащ «Преображение длиною в жизнь» фильмыр. Ар теухуащ
фIэщхъуныгъэ зиIа Стефан и гъащIэмрэ гуащIэмрэ. Фильмым архив дэфтэрхэр куэду
къыщыгъэсэбэпащ, Стефан зыцIыхуу щытахэм я гукъэкIыжхэр щIыгъуу.