2023 гъэм щIышылэм и 4-м, щихъ Узорешительницэ Анастасие и фэеплъ
махуэм, Псыхуабэ, Черкесск щIыналъэхэм я архиепископ Феофилакт пащтыхь
шэнтиуэ махуэшхуэр щригъэкIуэкIащ Псыхуабэ къалэм и СИЗО №2-м и члисэм.
Щоджэн нэхъыщхьэм къулыкъур драгъэкIуэкIащ IэщэкIэ зэщIэузэда къарухэм,
хабзэхъумэ IэнатIэхэм, пенитенциарнэ IухущIапIэхэм ядэлэжьэнымкIэ епархием и
къудамэм и унафэщI щоджэн нэхъыжь Сорокин Константин, УФСИН-м
фIэщхъуныгъэ зиIэхэм ядэлэжьэнымкIэ Ставрополь крайм щиIэ къудамэм и
унафэщIым и къуэдзэ щоджэн Басаков Василийрэ къардэн Нестеренкэ Сергийрэ.
Литургие нэужьым Пастыр нэхъыщхьэр гуапэу ехъуэхъуащ члисэм и
зэгухьэныгъэр илъэс 20 зэрырикъумкIэ. «Члисэм и теплъэхэм тхьэлъэIухэмрэ
гуэныхьхэр зэраIуэтэжымрэ куэдрэ я нэгу щIэкIащ. Зи гъащIэр зыхъуэжыну
щIэхъуэпсхэм дяпэкIи абыхэм гукъыдэж кърырат, Тхьэм, цIыхухэм екIужыным и
IуэхукIэ», - жиIащ архиепископ Феофилакт.
ИужькIэ щихънагъ Феофилакт саугъэтхэр яритащ ягъэтIыса балигъ
мыхъуахэм, IуэхущIапIэм и унафэщIхэм ехъуэхъуащ, и лэжьакIуэхэм фIыщIэ
яхуищIащ, зэгухьэныгъэм и гъащIэм хэтхэм.
***
IуэхущIапIэм и япэ корпусыр 1840 гъэм яухуащ икIи абы ягъэтIысахэр
революцэ, граждан зауэхэм ирихьэлIэу щыIащ, Урыс Члисэм Тхьэм папщIэ бэлыхь
куэд зрагъэшэча, гуэныхьхэр зрагъэIуэтэжа и щихъхэри XX лIэщIыгъуэм и япэ
Iыхьэм ирихьэлIэу. 2017 гъэм дыгъэгъазэм и 13-м архиепископ Феофилакт СИЗО-
м Тхьэм папщIэ бэлыхь куэд зрагъэшэчахэм я тхьэнапэр щигъэнэхуащ. Ар
блыным фIадзащ.