2022 гъэм дыгъэгъазэм и 24-25-хэм Псыхуабэ, Черкесск щIыналъэхэм я
архиепископ Феофилакт лэжьыгъэ IуэхукIэ кIуащ пIалъэкIэ зэригъакIуэ Бакинскэ
епархием.
Дыгъэгъазэм и 24-м архиепископ Феофилакт иригъэкIуэкIащ Бакинскэ епархием и
советым и зэIущIэр. Зэхыхьэм хэтхэр едэIуащ епархием и къудамэхэмрэ комиссэмрэ я
унафэщIхэм я докладхэм, 2022 гъэм къапэщылъхэм къытеувыIащ. А махуэ дыдэм
Щоджэн нэхъыщхьэм и унафэм щIэту Епархием и зэIущIэ ирагъэкIуэкIащ, Щихънагъым
илъэсым кърикIуахэр щызэхилъхьэжащ.
Архиепископ Феофилакт 2022 гъэм къехъулIахэм я нэхъыщхьэу къигъэлъэгъуащ
Бакинскэ епархием къалащхьэм и члиситIым зэгъэпэщыжыныгъэ лэжьыгъэхэр
зэрыщрагъэкIуэкIар – Богородицэм и члисэ зэхуэхьэсамрэ Тхьэм и Уэхьий Михаил и цIэр
зезыхьэ члисэмрэ.
Пастыр нэхъыщхьэм гулъытэ лей хуищIащ тхьэлъэIу, екIуэлIапIэ гъащIэр нэщI-
пандемие зэманым зэтеублэным, сабийхэмрэ балигъхэмрэ я тхьэмахуэ школхэр
къызэIухыным, Епархием и Управленэм и лэжьакIуэхэмрэ Бакинскэ епархием и
клирикхэмрэ къэралым и жылагъуэ, щэнхабзэ гъащIэхэм хэтыныр. Апхуэдэу
Щихънагъым къыхигъэщащ епархием и IуэхущIапIэхэм я лэжьыгъэм зэхъуэкIыныгъэхэр
зэрыхэлъыр. ИужькIэ Пастыр нэхъыщхьэм зэхыхьэм хэтхэм я упщIэхэм жэуап иритащ
икIи 2023 гъэм я лэжьыгъэхэр къехъулIэну захуигъэзащ. А махуэм и пщыхьэщхьэм
архиепископ Феофилакт Бакинскэ епархием Тхьэм и Уэхьий щихъ Михаил и цIэкIэ щыIэ
члисэм тхьэлъэIу щригъэкIуэкIащ. Азербайджан республикэм и Президент Алиев
Ильхьэм и жэрдэмкIэ зэрагъэпэщыжа нэужь, члисэр япэу апхуэдэу зэхыхьащ. ТхьэлъэIу
нэужьым архиепископ Феофилакт абы хэтахэм узэщIыныгъэкIэ захуигъэзащ.
2022 гъэм дыгъэгъазэм и 25-м Псыхуабэ, Черкесск щIыналъэхэм я архиепископ
Феофилакт тхьэлъэIу литургие щригъэкIуэкIащ Баку къалэм и Кафедральнэ члисэ
зэхуэхьэсам. Щоджэн нэхъыщхьэм къулыкъур драгъэкIуэкIащ епархием и щоджэнхэмрэ
Псыхуабэ епархием и Административнэ секретариатым и унафэщI щоджэн яковенкэ
Илиярэ. Языныкъуэ тхьэлъэIухэр азербайджаныбзэкIэ ирагъэкIуэкIащ. ХъыбарыфIхэр
зэрыт тхылъ лъапIэм къыщыхьахэм къеджа нэужь, Щихънагъым фIэщхъуныгъэ зиIэхэм
узэщIыныгъэкIэ захуигъэзащ, литургие нэужьым екIуэлIапIэм кIуэхэм Къэблагъэ Христос
и ХъуромэмкIэ ехъуэхъуащ. ЕкIуэлIапIэм кIуэхэм Щоджэн нэхъыщхьэм тыгъэ яхуищIащ
блын махуэгъэпсхэр, Бакинскэ епархием къыщыдагъэкIахэр.
ТхьэлъэIум хэтащ Урысейм и лIыкIуэу Азербайджаным щыIэ Бочарников М. Н. А
махуэ дыдэм архиепископ Феофилктрэ Михаилрэ зэIущIащ.