Хэкум и лIыхъужьхэм я махуэмрэ щихъ, ТекIуэныгъэ къэзыхьа Георгий и
фэеплъымрэ ирихьэлIэу, 2022 гъэм дыгъэгъазэм и 9-м Кисловодск и Чристэн Свято-
Никольскэ классическэ гимназием квест щригъэкIуэкIащ, ди нэхъыжьхэм зэрахьа
лIыхъужьыгъэм, Урысейм и дамыгъэ лъапIэм – Георгий жорым и тхыдэм теухуауэ.
Махуэшхуэр ирагъэжьащ «ЛIыхъужьым и партэ» зэхыхьэмкIэ. Гимназием и
унафэщI щоджэн нэхъыжь Знаменский Иоанн гимназием щеджа, лIыхъужь Арустамов
Георгий Хэку зауэшхуэм щызэрихьа лIыгъэм къытеувыIащ, Совет Союзым и ЛIыхъужь
зэрыхъуами и гугъу ищIащ.
Тхыдэ квестым хэтащ етхуанэ, епщIанэ классхэм щыщ гупитху. ЕпщыкIузанэ
классым щIэсхэм викторинэхэр ирагъэкIуэкIащ икIи къата жэуапхэм я пэжыгъэр
зэхагъэкIащ.
Класс къэс станцитху пхыкIащ. Спортзалым гимназием и гъэсэнхэр хэтащ
автоматыр зэрызэпкърахым, «Полоса препятствий» станцым кIапсэ елъэнкIэ щызэпеуащ,
баскетбол топ джэгум щаIэ зэфIэкIыр ягъэлъэгъуащ. Ещанэ станцыр «Святыни земли
родной» тхыдэ-музей станцым щыIэт. Абы щеплъащ Георгий дамыгъэхэм, викторинэм и
упщIэхэм жэуап щратащ.
«Песни нашей Победы» станцым гимназием и гъэсэнхэм зауэ уэрэдхэр щыжаIащ,
тхыгъэхэм я псалъэхэмрэ макъамэмрэ къащIащ. Етхуанэ «Исторический тест» станцым
квестым хэтхэм я Iуэхур щынэхъ гугъут. Хэкум и тхыдэм теухуа упщIэ куэдым
игъэгупсысащ ныбжьыщIэхэр.
Зэпеуэм кърикIуахэр зэхалъхьэжа нэужь, квестым етхуанэ классым щIэсхэр
щытекIуащ. Иоанн гимназием и гъэсэнхэм ехъуэхъуащ тхыдэ квестым зэрыпхыкIам
папщIэ икIи ягу къигъэкIыжащ Япэ, ЕтIуанэ дунейпсо зауэхэм зауэлIхэм щызэрахьа
лIыгъэхэм, дзэ операцэм щыIэ офицерхэмрэ сэлэтхэмрэ я ехъулIэныгъэхэми
тепсэлъыхьащ. Квестым хэтахэм IэфIыкIэхэр иратащ.
Махуэшхуэр тхьэлъэIукIэ щызэхуащIыжащ Япэ дунейпсо зауэм хэта, Георгий
жорыр зыхуагъэфэща кисловодскдэсхэм я фэеплъым деж.