Псыхуабэ, Черкесск щIыналъэхэм я архиепископ Феофилакт и арэзыныгъэкIэ
Псыхуабэ епархием и архитектурно-ухуэныгъэ комиссэр Прохладнэ къалэм кIуащ
революцэ зэманым зэхуащIыу нэгъуэщI Iуэхугъуэхэм папщIэ къагъэсэбэпыу щыта Покров
члисэм. Ухуэныгъэм щэнхабзэ хъугъуэфIыгъуэ мыхьэнэ иIэщ.
Комиссэм и къалэн нэхъыщхьэу щытащ ухуэныгъэм и щытыкIэр къэхутэныр икIи
ар къызэрыбгъэсэбэп хъуным теухуа чэнджэщхэр тыныр. КIэлъыплъа нэужь къахутащ
языныкъуэ пэшхэм мафIэс къызэрыщыхъуар, унащхьэр зэрыжьыр, блыныр зэрычар. Бжэ-
щхьэгъубжэхэри жьы хъуащ. Ухуэныгъэр кхъахэу къалъытащ.
Комиссэм хэтащ епархием ухуэныгъэмкIэ и къудамэм и унафэщI щоджэн нэхъыжь
Бондарчук Андрей, Налшык округым и благочиннэ щоджэн нэхъыжь Бобылев Валентин,
Прохладнэ къалэм и Покров члисэм и унафэщI щоджэн Калинин Евгений, епархием и
архитектор икIи хъумакIуэ Чечин Олег.