Кавказым лъэпкъ куэд зэрыщыпсэур, дин зэмылIэжьыгъуэхэр зэрыщызэрахьэр,
щIыуэпс къулей зэриIэр куэдым яфIэгъэщIэгъуэнщ, Урысейм и ипщэ щIыналъэм япэу
къакIуэхэм. ЩIыналъэ лъапIэм Тхьэ елъэIуну къакIуэхэм я дежкIэ ар псом хуэмыдэу
лъапIэныгъэхэм, члисэхэм, Урысейр умэхъын зэращIам, пасэрей къэралыгъуэхэм
зыщыхагъэгъуазэщ: Кавказ Албанием, Зихием, Аланием, нэгъуэщIхэми апостолхэу
Первозванный Андрей, Варфоломей, Кананит Симон, нэгъуэщIхэми къулыкъу щащIар,
Урыс Чристэн Члисэр Кавказым и Iэгъуэблагъуэхэмрэ Закавказьемрэ
зыщызэфIэзыгъэувахэм.
«Кавказский Паломник» IуэхущIапIэм Кавказ Ищхъэрэмрэ Закавказьемрэ макIуэ:
Псыхуабэ щыщIэдзауэ Баку нэс. «Кавказаский Паломник» IуэхущIапIэм и унафэщIыр
жэпуэгъуэм и 17-21-хэм Азербайджаным щыIащ, епархием и Паломник IуэхущIапIэм
щIыгъуу а къэралым зэрыщызаплъыхьынум и программэр зэхалъхьащ.
ЩэкIуэгъуэм и 23-26-хэм Логвиненкэ Ларисэ Санкт-Петербург и «Ларус»
IуэхущIапIэм и унафэщI Володинэ Еленэ щIыгъуу Мэхъэчкъалэ, Каспийск, Урысейм и
пасэрей къалэм – Дербент кIуахэщ.
Мэхъэчкъалэ епархием щызэIущIащ абы и секретарь иеромонах Силуанрэ (Исаев-
Баидаури) Кавказым и щIыналъэ лъапIэхэм, Дагъыстэным и члисэхэм щытепсэлъыхьащ.
Епархием и лэжьакIуэ Анастасие хьэщIэхэм Успенскэ кафедральнэ члисэ зэхуэхьэсам
защригъэплъыхьащ, абы и тхыдэмрэ члисэм и лъапIэныгъэхэмрэ яхутепсэлъыхьащ.
Мэхъэчкъалэ Дагъыстэным и туроператорхэм щыхэхуэзащ. Ахэр республикэм и
хьэщIэщхэм, Каспийск къалэм еплъащ. Паломник IуэхущIапIэхэм я унафэщIхэр Дербент
щеплъащ Покров, Цитадель Нарын-Кала, къалэм и экскурсоводхэм епсэлъащ.
- Дагъыстэным япэу сыкъэкIуауэ аращ,- жиIащ Володинэ Еленэ. – Тхыдэ дахэ
къызыдекIуэкI щIыналъэм и дахагъэм уетхьэкъу. Псом хуэмыдэу абы щыпсэу цIыхухэр
гъэщIэгъуэнщ: сыт щыгъуи къыбдэIэпыкъуну хьэзырщ.