2022 гъэм щэкIуэгъуэм и 13-м, махуэ щэ ныкъуэм къыкIэлъыкIуэ тхьэмахуэ
22-м, Москварэ Урысей псомрэ я Патриарх Кирилл Владикавказ къалэм
щигъэнэхуащ Тхьэм папщIэ бэлыхь куэд зрагъэшэча Георгий и цIэр зезыхьэ
кафедральнэ члисэ зэхуэхьэсар икIи щригъэкIуэкIащ тхьэлъэIу литургиер.
Члисэм къэкIуа нэужь Урыс Чристэн Члисэм и щхьэр щыхуигъэщхъащ
Тхьэм папщIэ бэлыхь куэд зрагъэшэча Георгий. Пастыр нэхъыщхьэхэмрэ
щоджэнхэмрэ къулыкъур ядригъэкIуэкIащ Псыхуабэ, Черкесск щIыналъэхэм я
архиепископ Феофилакт.
ТхьэлъэIум хэтащ Урысейм и Правительствэмрэ и Президентымрэ я
лIыкIуэхэр, УФ-м и Къэрал Думэм щыщхэр, республикэм и унафэщIхэр;
ухуакIуэхэр, псапащIэхэр, нэгъуэщIхэри.
ТхьэлъэIу уэрэдхэр жаIащ осетиныбзэкIэ. «Союз», «Спас», «Осетия-
Ирыстон» НТК телеканалхэмрэ Урыс Чристэн Члисэм и Патриархия.ru
порталымрэ Патриаршэ тхьэлъэIур эфир занщIэкIэ къитащ. Апхуэдэу
фIэщхъуныгъэ зиIэхэм Iэмал яIащ члисэм и гупым щагъэува экранымкIэ
кIэлъыплъыну. Владкавказскрэ Аланскрэ я епископ Герасим архиепископ
къулыкъур хуагъэфэщащ.
Ектением Урыс Чристэн Члисэм и унафэщIыр къыщеджащ Урысей ЛъапIэм
теухуа тхьэлъэIум. ТхьэлъэIу нэужьым Владикавказскрэ Аланскрэ я архиепископ
Герасим Щихънагъ ЛъапIэм фIэхъус ирихащ икIи къыхигъэщащ япэу Урыс Чристэн
Члисэм тхьэлъэIу лиутргие зэрыщригъэкIуэкIыр. Щихънагъ Герасим Тхьэм и Анэм
и Мэздэгу тхьэнапэр абы и пащхьэм щигъэуващ. Урыс Члисэм и Iэтащхьэм
фIэщхъуныгъэ зиIэхэм узэщIыныгъэкIэ захуигъэзащ.
Кирилл Тхьэм и Анэм и «Умягчение злых сердец» теплъэр тыгъэ яхуищIащ.
Щоджэнхэм тхылъхэр саугъэт яхуищIащ. ФIэщхъуныгъэ зиIэхэм Патриарх ЛъапIэм
яритащ КъегъэлакIуэ Христос и тхьэнапэхэр. ИужькIэ дамыгъэ лъапIэхэр
зыхуагъэфэщахэм иратыжащ.
***
Тхьэм папщIэ бэлыхь куэд зрагъэшэча, текIуэныгъэ къэзыхьа Георгий и цIэр
зезыхьэ кфаедральнэ члисэ зэхуэхьэсар 1996 гъэм жэпуэгъуэм и 18-м
ирагъэжьащ. Тхьэм и Уэхьий Михаил и цIэр зезыхьэ кафедральнэ члисэ
зэхуэхьэсарщ япэу ар зытращIыкIар, Владикавказ XX лIэщIыгуъэм и пэщIэдзэхэм
щрагъэжьар. 2003 гъэм лэжьыгъэ нэхъыщхьэхэр ящIащ. Ухуэныгъэр и кIэм
нэгъэсын, роспис лэжьыгъэхэм иджыри пащэ. Члисэм Тхьэм папщIэ бэлыхь куэд
зрагъэшэча Георгий и къарум щыщ Iыхьэхэр щыIэщ. Куполитху зиIэ члисэмрэ
уэзджынэ уапIэмрэ Осетие Ищхъэрэ-Алание республикэм и архитектурэ фэеплъщ.