Кавказ Ищхъэрэ академием щекIуэкIащ «Карачаево-Черкесия: люди и судьбы»
щIэныгъэ-практикэ конференцэр. Ар траухуащ политикэ залымыгъэ зрахахэм я фэеплъым.
Конференцэр къызэригъэпэщащ КъШР-м и Жылагъуэ палатэм, академием,
Черкесск къалэм и Никольскэ члисэ зэхуэхьэсам. Зэхуэсым хэтащ властым и органым
щыщхэр, щIэныгъэлIхэр, академием и студенти 150-рэ, Медколледжым щеджэхэр. Доклад
ящIащ СКГА-мрэ КЧГУ-мрэ я егъэджакIуэхэм, ДУМ-мрэ КъШР-м и Жылагъуэ палатэмрэ
я лIыкIуэхэм.
Совет властым чристэн фIэщхъуныгъэ зиIэхэр зэрыригъэкIам теухуа доклад ищIащ
щихъхэр канон щIынымкIэ Псыхуабэ епархием и комиссэм и секретарь щоджэн Гурин
Александр.
Конференцэм хыхьэу ягъэлъэгъуащ «Да не иссякнет памяти река»
документально-тхылъ гъэлъэгъуэныгъэр. Ар къызэригъэпэщащ Байрамуковэ Хьэлимэт и
цIэр зезыхьэ Республикэ библиотекэм. Выставкэм щагъэлъэгъуащ документхэмрэ
сурэтхэмрэ, чристэн щоджэнхэмр къэзакъхэмрэ, къэрэшей лъэпкъым ираха залымыгъэр
къызыхэщхэр.