Новопавловск щекIуэкIащ Губин къеджэныгъэхэр

23.10.2022
Просмотры: 1732

2022 гъэм жэпуэгъуэм и 21-м Новопавловск, Псыхуабэ, Черкесск щIыналъэхэм я 
архиепископ Феофилакт и арэзыныгъэкIэ, къэзакъ щэнхабзэмкIэ  «Между Кум-то реки, 
между Тереком» Губин къеджэныгъэхэм я фестиваль-зэпеуэр щекIуэкIащ. Абы 
зэкъуигъэуващ Кавказ Ищхъэрэм и творческэ гупхэр. Мы гъэм тхакIуэ-къэзакъ Губин 
Андрей къызэралъхурэ илъэс 95-рэ, ар дунейм зэрехыжрэ илъэс 30 зэрырикъур 
ягъэлъапIэ. 
Зэпеуэр къызэрагъэпэщащ икIи ирагъэкIуэкIащ «Терское общество любителей 
казачьей старины» фондым Псыхуабэ епархиер щIыгъуу. Абы и лIыкуIэт къэзакъххэм 
ядэлэжьэнымкIэ къудамэм и унафэщI щоджэн нэхъыжь Фещенкэ Стефан, къэзакъ 
зэгухьэныгъэхэм я щоджэнхэр. 
Мы гъэм фестиваль-зэпеуэм хэтащ щIалэгъуалэр, Кавказ Ищхъэрэм и 
уэрэджыIакIуэхэр. Апхуэдэщ Ставрополь крайм, Къэрэшей-Шэрджэсым, Къэбэрдей-
Балъкъэрым щыщ цIыху 200-р. 
Зэпеуэм и унэтIыныгъэхэм щыщхэм зыкъыщагъэлъэгъуащ гупхэм: «Литературно-
музыкальная композиция», «Казачья песня (сольное или вокальное исполнение)», 
«Художественное чтение: по страницам произведений о казаках (в прозе или поэзии)», 
«Видеоролик: по местам казачьей истории», «Авторское произведение: казачье слово (в 
прозе, поэзии или публицистике)».
Япэ увыпIэхэр къахьащ Лермонтовэ, Кисловодск, Новопавловск, Советскэ, 
Старопавловскэ, Зеленчукскэ станицэхэм (КъШР), Ставрополь крайм и Кировскэ къалэ 
округым и Коммаяк къуажэм щыщхэм. УнэтIыныгъэхэм пашэ щыхъуахэр гала-концертым 
хэтащ. Абы ирагъэблэгъащ Кировскэ къалэ округым щыпсэухэмрэ и хьэщIэхэмрэ. 
ТекIуахэм дипломхэмрэ саугъэтхэмрэ тыгъэ хуащIащ. Ахэр иритащ «Терское общество 
любителей казачьей старины» Фондым и унафэщI Губенко Олег. 

 

1732
Фотогалерея