Тхьэм и Анэм и Покров махуэшхуэм Псыхуабэ епархием Кисловодск щиIэ
округым и благочиннэ щоджэн нэхъыжь Знаменский Иоанн мобилизованнэхэм
захуигъэзащ, къулыкъу зыщIэну ежьахэм. Иоанн гукъыдэж зиIэ дэтхэнэми жор тыгъэ
яхуищIащ, Тхьэм папщIэ бэлыхь куэд зрагъэшэча Георгий и тхьэнапэр, псалм 90
зыщIыгъу бгырыпхыр и гъусэу.
Щоджэным жиIащ махуэ къэс абыхэм Тхьэ зэрыхуелъэIунур я Iыхьлыхэр, Урыс
Чристэн Члисэр икIи ахэр къыхуриджащ я ныбжьэгъу зауэм зи гъусэу щыIэхэм я нэIэ
трагъэтыну, щIэх-щIэхыурэ Тхьэм зыхуагъэзэну, Хэкум мамырыгъэ щыIэныр абы
зэрелъытар.
А махуэ дыдэм тхьэлъэIу литургие нэужьым Зеленогорскэ къуажэм и Покров
члисэм и щоджэнхэм тхьэлъэIу ирагъэкIуэкIащщ. ТхьэлъэIур щоджэн нэхъыжь
Знаменский Иоанн зригъэкIуащ. Абы хэтащ къуажэдэхсэр, къалэ члисэм екIуалIэхэмрэ
зыгъэпсэхупIэм и хьэщIэхэмрэ.
Зэгъусэ тхьэлъэIу нэужьым благочиннэр тхьэлъэIум хэтхэм ехъуэхъуащ Тхьэм и
Анэм и Покров махуэшхуэмкIэ, Музенитов Павелрэ члисэ ухуэныгъэм хэтхэмрэ
ехъуэхъуащ, Тхьэм и унэр ухуэным зэрыхэлэжьыхьым папщIэ.