Кисловодск къалэм и Чристэн Свято-Никольскэ классическэ гимназием
ЕгъэджакIуэхэм я махуэм ирихьэлIэу махуэшхуэ къызэрагъэпэщащ.
ЕджакIуэхэм пщэдджыжьым щIадзэри егъэджакIуэхэм ехъуэхъуащ, удз гъэгъахэр
иратащ. Дерс нэужьым концерт программэ ятащ, гимназием и гъэсэнхэм я егъэджакIуэхэм
хуагъэхьэзырар.
Махуэшхуэр къыщызэIуихым, гимназием и унафэщI щоджэн нэхъыжь Знаменский
Иоанн гимназиер къызэзыгъэпэща Псыхуабэ, Черкесск щIыналъэхэм я архиепископ
Феофилакт фIыщIэ хуищIащ.
Члисэ уэрэдхэр жыIэнымкIэ егъэджакIуэ Игнатенкэ Еленэ и нэIэм щIэту пэщIэдзэ
классхэм я еджакIуэхэм зыкъагъэлъэгъуащ.
Псалъэ гуапэ куэд егъэджакIуэхэм хужаIащ. Гимназием и унафэщI щоджэн
нэхъыжь Знаменский Иоанни еджакIуэхэм ехъуэхъуащ.
Гимназием и унафэщIым классщIыб лэжьыгъэхэмкIэ и къуэдзэ Синявская Татьянэ
и нэIэм щIэту ягъэхьэзыращ программэ щIэщыгъуэ. ЕгъэджакIуэхэм я махуэр траухуащ
спорт ут школ пщIантIэм къыщызэIухыным, капитальнэу ар зэрагъэпэщыжа нэужь. Иджы
ныбжьыщIэхэм волейбол джэгуну Iэмал яIэщ.