2022 гъэм фокIадэм и 24-м, щихъ Афонский Силуан и фэеплъ махуэм, Успенскэ
Второафонскэ Бештаурскэ цIыхухъу къулъшырыфым и щоджэнархимандрит, Псыхуабэ,
Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ
къулъшырыфым и Успенскэ члисэ зэхуэхьэсам. Щоджэн нэхъыщхьэм къулыкъур
драгъэкIуэкIащ Псыхуабэ епархием и щоджэнхэмрэ къулъшырыфым и щоджэнхэмрэ,
Административнэ секретариатым и унафэщI щоджэн Яковенкэ Илия я пашэу.
ТхьэлъэIур ирагъэжьащ къулъшырыфым щихъ Свирский Александр и къарум щыщ
Iыхьэхэр зыщIыгъу и тхьэнапэр къахьри, къулъшырыфым Тихвинскэ епархием кърахар,
Тихвинскрэ Лодейнопольскрэ я епископ Мстислав и арэзыныгъэкIэ.
Къулъшырыфым и лжьыгъэфIым, иеродиакон Афанасий (Сапрыкин) и ныбжьыр
илъэс 70 зэрырикъум папщIэ Москварэ Урысей псомрэ я Патриарх Кирилл щихъ
Саровский Серафим и орденым и ещанэ нагъыщэр иратащ.
Щихъ Радонижский Сергий и орденым и ещанэ нагъыщэр архиепископ Феофилакт
иритащ Псыхуабэ и Михайловскэ члисэ зэхуэхьэсам и унафэщI щоджэн нэхъыжь
Дубинский Борисрэ Черкесск и Сергиевскэ члисэм и унафэщI щоджэн нэхъыжь Кишунов
Константинрэ.
Литургие нэужьым къагъэщIэрэщIэжа къулъшырыфым и япэ унафэщI,
архимандрит Силуан (Хараим, +2011) и кхъащхьэм деж Пастыр нэхъыщхьэм щоджэнхэм
я гъусэу тхьэлъэIу щригъэкIуэкIащ икIи удз гъэгъахэр трилъхьащ.