Терроризмым пэщIэтыным и махуэм Кисловодск къалэм и Никольскэ члисэ
зэхуэхьэсам и щоджэн нэхъыжь Чеканов Димитрий къалэм и «Русский мир против
террора» пэкIум къыщыпсэлъащ теракт къыщыхъуа Подкумок-Белый Уголь станц
гъущI гъуэгум деж..
А махуэм илъэс 19 ипэкIэ гъущI гъуэгум гузэвэгъуэ ин къыщыхъуащ, мамыр
цIыху пщIы бжыгъэхэм я гъащIэр зыхьар, Кисловодск къикI мафIэгур щыблэжым
террористхэм ар къагъэуащ. Зэман куэд дэкIами, абы щыгъуэ хэкIуэдахэр
цIыхухэм ящыгъупщэркъым.
ПэкIум хэтащ къалэм и Iэтащхьэ Моисеев Евгений, къалэ Думэм и
унафэщIым и къуэдзэ Гордеев Иван, Кисловодск мэжджытым и имамыр, къалэ-
зыгъэпсэхупIэм щыпсэухэр.
Щоджэным фIэхъус ярихыжащ икIи и псалъэхэр нихьэсащ Псыхуабэ,
Черкесск щIыналъэхэм я архиепископ Феофилакт икIи псори къыхуриджащ
мамырыгъэ, зэгурыIуэныгъэ, лъагъуныгъэ яку дэлъу зэдэпсэуну. ПэкIум хэтхэм ягу
къагъэкIыжащ терроризмым хэкIуэдахэр икIи я фэеплъым удз гъэгъахэр
тралъхьащ.
Фэеплъ пэкIум щыпащащ къалэм и «Героям-медикам Великой
Отечественной войны 1941-1945гг.» фэеплъым деж «Мы помним» щIалэгъуалэ
IуэхумкIэ. Iуэхум хэтхэм шэху уэздыгъэхэр пагъэнащ, террактхэм хэкIуэдахэм
яхуэщыгъуэу. Абы хэтащ Чристэн Свято-Никольскэ классическэ гимназием и
гъэсэнхэмрэ щоджэн нэхъыжь Чеканов Димитрийрэ.