Сайтым къыщыхьа хъыбарымкIэ, Урысей Федерацэм и полномочнэ лIыкIуэу Кавказ Ищхъэрэ федеральнэ щIыналъэм щыIэ, Урысей Федерацэм и Президентым къэзакъ IуэхэмкIэ и Советым и унафэщIым и къуэдзэ Чайкэ Юрэ иригъэкIуэкIащ Урысей Федерацэм и Президентым къэзакъ IуэхухэмкIэ и полномочнэ лIыкIуэу Кавказ Ищхъэрэ федеральнэ щIыналъэм и Комиссэм и зэIущIэ.
Комиссэм и лэжьыгъэм хэтащ къэзакъхэм ядэлэжьэнымкIэ Синод къудамэм и комитетым и унафэщI, Ставропольскрэ Невинномыскрэ я митрополит Кирилл, Псыхуабэ, Черкесск щIыналъэхэм я архиепископ Феофилакт, Владикавказскрэ Аланскрэ я щихънагъ Герасим, Георгиевскрэ Прасковейскрэ я щихънагъ Гедеон, щоджэн нэхъыжь, Тэрч къэзакъ зэгухьэныгъэм и щоджэн Самойленкэ Павел, щIыналъэм къэзакъ IуэхухэмкIэ и лэжьакIуэ гупхэм я унафэщIхэр, къэзакъ зэгхьэныгъэхэм я атаманхэр.
Япэ илъэс ныкъуэм зэфIагъэкIахэм кърикIуахэм тепсэлъыхьащ, щIыпIэ самоуправленэмрэ къэрал властым и органхэмрэ урыс къэзакъхэм теухуа къэрал политикэм и стратегиер 2021-2030 гъэхэм зэрагъэзэщIэнум теухуа унэтIыныгъэ нэхъщхьэхэр щIыгъуу.