Епархием и архитектурно-ухуэныгъэ комиссэм и зи чэзу зекIуэр щригъэкIуэкIащ Ищхъэрэ, Ипщэ Къэрэшей-Шэрджэс члисэ округхэм я члисэхэм. Абы хэтащ епархием ухуэныгъэмкIэ и къудамэм и унафэщI щоджэн нэхъыжь Бондарчук Андрей, благочиннэхэм ухуэныгъэмкIэ и дэIэпыкъуэгъу, архитектор, епархием и хъумакIуэ Чечин Олег, епархием и складым и унафэщI Чечин Сергей.
Епархием ухуэныгъэхэмкIэ и къудамэм и унафэщI щоджэн нэхъыжь Бондарчук Андрей, епархием и архитектор икIи и хъумакIуэ Чечин Олег сымэ зыхагъэгъуэзащ ухуэныгъэ лэжьыгъэхэм, благочинием члисэхэм щрагъэкIуэкIхэм, зыхуеину чэнджэщхэр иратащ.
Комиссэр кIуащ Тхьэм и Анэм и Покров члисэ Кардоникскэ станицэм щаухуэм, Хасаут-Греческэ, Орджоникидзевскэ къуажэм щихъ Варварэ и цIэр зезыхьэу щаухуэ члисэм, Усть-Джегуты къалэм Тхьэм и Уэхьий Михаил и цIэр зезыхьэ и члисэм, Черкесск къалэм Тхьэм и Анэм и Покров члисэм, Черкесск къалэм и Никольскэ члисэ зэхуэхьэсам, Бегъымбар Предтечи, Тхьэм и умэхъакIуэ Иоанн и цIэр зезыхьэу Октябрьскэ къуажэм щыIэ члисэм.
Черкесск къалэм и Покров члисэм зэгъэпэщыжыныгъэ лэжьыгъэхэр щрагъэжьащ, члисэр щэнхабзэ мыхьэнэ зиIэ IуэхущIапIэу зэрыщытым къыхэкIыу, комиссэм япэщIыкIэ зыхуеину тхылъымпIэхэр ягъэхьэзыру фэеплъхэр хъумэнымкIэ щIыпIэ органым ягъэхьу итIанэ зэгъэпэщыжыныгъэ лэжьыгъэхэм иужь ихьэну чэнджэщ итащ.
Никольскэ члисэ зэхуэхьэсам комиссэм зыщыхагъэгъуэзащ члисэм и блынхэр роспис зэращIым икIи плъыфэр къыхахащ.