2022 гъэм мэкъуауэгъуэм и 22-м Псыхуабэ еапрхием и щоджэнхэр хэтащ къалэхэмрэ районхэмрэ щыхэкIуэдахэр ягу къыщагъэкIыж зэхыхьэм.
Псыхуабэ, Черкесск щIыналъэхэм я архиепископ Феофилакт Тхьэ елъэIуащ Хэку зауэшхуэм Псыхуабэ щыхэкIуэда лIыхъужьхэм папщIэ.
Къэбэрдей-Балъкъэрым и къалащхьэм Псыхуабэ епархием Налшык округым щиIэ благочиннэ щоджэн нэхъыжь Бобылев Валентин мэкъуауэгъуэм и 21-м пщыхьэщхьэм удз гъэгъахэр трилъхьащ хабзэхъумэ сэлэтхэм я фэеплъым, мэкъуауэгъуэм и 21-м пщыхьэщхьэм пэкIум къыщыпсэлъащ икIи Тхьэ елъэIуащ хэкIуэда зауэлIхэм папщIэ.
Черкесск ТекIуэныгъэм и Паркым Никольскэ члисэ зэхуэхьэсам и щоджэнхэм щоджэн нэхъыжь Кузнецов Сергий тхьэлъэIу щригъэкIуэкIащ.
Кисловодск пщэдджыжьым сыхьэти 4-м «Поклонимся героям» зэхуэсыр щекIуэкIащ. ТхьэлъэIур иригъэкIуэкIащ къалэм и Никольскэ члисэ зэхуэхьэсам и клирик щоджэн нэхъыжь Чеканов Димитрий.
Пщэдджыжьым сыхьэти 10-м «Горькая память войны» Iуэхум хэтащ къалэ администрацэм и лIыкIуэхэр, къалэ-зыгъэпсэхупIэм и Думэм и депутатхэр, Псыхуабэ епархием Кисловодск щиIэ округым и благочиннэ щоджэн нэхъыжь Знаменский Иоанн, Кисловодск и мэжджытым и имамыр, Хэку зауэшхуэм и ветераныр, къалэ школым и еджакIуэхэр, Чристэн Свято-Никольскэ классическэ гимназием и гъэсэнхэр, къалэ-зыгъэпсэхупIэм щыпсэухэмрэ абы и хьэщIэхэмрэ. Благочиннэр къыщыпсэлъащ зэхуэсахэм я пащхьэм.