2021 гъэм Псыхуабэ епархием и «Анэхэм папщIэ унэ» кризис центрым социальнэ къулыкъухэр щIэнымкIэ Синод къудамэр и дэIэпыкъуэгъуу грант дэIэпыкъуныгъэ къыIэрыхьащ Москва Патриархием пандемием и зэманымрэ экономикэ щытыкIэ мытыншымрэ унагъуэхэм ядэIэпыкъун папщIэ. Псыхуабэ, Черкесск щIыналъэхэм я архиепископ Феофилакт и дэIэпыкъэгъуу, 2021 гъэм дыгъэгъазэм щыщIэдзауэ накъыгъэ пщIондэ Центрым псапащIэ Iуэхухэр иригъэкIуэкIащ. Илъэс ныкъуэм къриубыдэу хуэмыщIахэм ерыскъыпхъэ тонни 7,5-рэ иратащ, къабзагъэ хьэпшыпхэр щIыгъуу. Унагъуэ 630-м дэIэпыкъуныгъэ хуащIащ, сабий 1700-рэ щапIым. Грантым хыхьэу къуажэ пхыдзахэм щыпсэу цIыху 2800-м ядэIэпыкъуащ.
Ерыскъыпхъэхэмрэ къабзагъэ хьэпшыпхэмрэ къадэкIуэу къуажэ цIыкIухэмрэ станицэхэмрэ щыпсэухэм фэилъхьэгъуэхэр, вакъэхэр, зэрыджэгу хьэпшыпхэр, сабий Iэмэпсымэхэр, тхылъхэр иратащ. Ахэр псапащIэ Iуэхухэр щалэжь» Анэхэм папщIэ унэ» гуманитар складым ягъэшащ. Фэилъхьэгъуэхэр ягъэхьэзыращ центрым гупыж зыщIу езыр-езыру дэIэпыкъуэгъу къыхуэхъуахэм. Щыгъынрэ вакъэу тонни 3-м щIигъу ягуэшащ.
Грант дIээпыкъуныгъэм и фIыгъэкIэ, гуманитар дэIэпыкъуныгъэ Къэрэшей-Шэрджэсымрэ Къэбэрдей-Балъкъэрымрэ я жылэ 42-м, Ставрополь крайм и Минераловодскэ, Кировскэ къалэ округхэм щыщхэри къызэщIиубыдэу иратащ. ПсапащIэ пунктхэм анэхэмрэ я бынхэмрэ щадэIэпыкъуащ чристэн члисэхэмрэ щэнхабзэмкIэ унэхэмрэ, члисэхэм я унафэщIхэмрэ екIуэлIапIэм кIуэхэмрэ щIыпIэ администрацэхэр я дэIэпыкъуэгъуу зэхалъхьа спискэмкIэ.