2022 гъэм накъыгъэм и 25-м Кисловодск къалэм и Чристэн Свято-Никольскэ классичческэ гимназием щекIуэкIащ иужьрей уэзджынэм и махуэшхуэ. Махуэшхуэр тхьэлъэIурэ гимназием и гимнкIэ ирагъэжьащ, къэзакъхэм абы щIэту гимназие штандартыр къыщIахащ. ИужькIэ залым ирагъэблэгъащ 11, 9 классхэр къэзыуххэр.
Чристэн гимназием и унафэщI щоджэн нэхъыжь Знаменский Иоанн еджапIэр къэзыуххэмрэ я адэ-анэхэмрэ ехъуэхъуащ гъэ еджэгъуэр и кIэм зэрынагъэсамкIэ икIи гимназием и унафэщI Псыхуабэ, Черкесск щIыналъэхэм я архиепископ Феофилакт и фIыщIэр нагъэсащ. Къалэ властым и лIыкIуэхэмрэ хьэрычэт Iуэхухэм я зэгухьэныгъэхэмрэ школыр къэзыуххэм гуапэу ехъуэхъуащ икIи экзаменхэр тыншу ятыну, гъащIэ гъуэгуанэ захуэ къыхахыну ехъуэхъуащ.
Къалэм и къэзакъ зэгухьэныгъэм и атаман Семенов Александр къэзакъхэм тыгъэ яхуищIащ къэзакъагъэр къызэрагъэщIэрэщIэжым папщIэ. Гимназием и гупым и унафэщI Ниикитэ кавказ сэшхуэ тыгъэ хуащIащ.
ИужькIэ псалъэ иратащ япэ классым кIуэхэм. Ахэр школыр къэзыуххэм усэ къахуеджащ, прогимназием и хорым «Пусть всегда будет солнце» уэрэдыр жиIащ.
ЕджакIуэхэм удз гъэгъахэр иратащ егъэджакIуэхэм, зэхуэсахэм я дежкIэ саугъэтыфI хъуащ уэрэдхэмрэ къафэхэмрэ. ЕгъэджакIуэхэмрэ еджакIуэхэмрэ хъуэхъукIэ зыхуагъэзащ адэ-анэхэм. ЕджакIуэхэм «Родительский дом» уэрэдыр жаIащ, къэфащ.
Гимназием и унафэщIыр къэпсэлъащ. Зэхыхьэр щиухым иужьрей уэзджынэр кърагъэуащ. 11 классым щIэс Волобуев Даниилрэ япэ классым кIуэ Кукулиевэ Мариерэ уэзджынэр ягъэзууащ.