2022 гъэм мэлыжьыхьым и 23-м Псыхуабэ къалэм, Успенскэ Второафонскэ Бештаурскэ цIыхухъу къулъшырыфым и щоджэнархимандрит Псыхуабэ, Черкесск щIыналъэхэм я архиепископ Феофилакт жорыр игъэнэхуащ.
Пастыр нэхъыщхьэм и гъусэу Псыхуабэ къалэмрэ абы и цIыхухэмрэ папщIэ Тхьэ елъэIуащ Второафонскэ къулъшырыфым и щоджэнхэр, къалэм и Iэтащхьэ Ворошилов Дмитрий, думэм и унафэщI Похилько Людмилэ, лъэпкъ-щэнхабзэ зэгухьэныгъэхэм я лIыкIуэхэр, псапащIэхэр, Жорыр зи фIыщIэкIэ ягъэувахэр.
Псыхуабэ и алыдж зэгухьэныгъэм псом хуэмыдэу фIыщIэ хуищIащ къалэм и Iэтащхьэм, «Специализированный затройщик «Альфа-С» ООО-м и унафэщI Сахтариди Александр Щихънагъым игъэлъэпIащ щIыхь тхылъкIэ.
«Си фIэщ мэхъу а Жорым деж тхьэлъэIухэр зэрыщрагъэкIуэкIынур. Нэхъыщхьэращи, ди цIыхухэр, а жорым еплъурэ, ди щIыналъэр Тхьэм къызэрихъумэм папщIэ гуфIэнущ. Аращи, зыри мыбдеж гулъытэншэ щыхъунукъым, гуапагъэм къыпащэнущ», - жиIащ архиепископ Феофилакт.
***
Жорыр гъэнэхуным щыпащащ щIыналъэ лъапIэм Тхьэ елъэIуну кIуэхэмрэ зыплъыхьакIуэхэмрэ Бештау бгым, къулъшырыфымкIэ зэрыдэкIуей гъуэгумкIэ. НэхъапэIуэкIэ, ЦIыхубэ зэкъуэтыныгъэм и махуэхм, 2021 гъэм щэкIуэгъуэм и 4-м, Пастыр нэхъыщхьэр Ставропольем и муслъымэнхэм я пашэ Рахимов Мухьэммэд-хьэжы , къалэм и Iэтащхьэ Ворошилов Дмитрий, жылагъуэ зэгухьэныгъэхэм я лIыкIуэхэм я гъусэу алеем и япэ мывэр щагъэтIылъащ.