2022 гъэм гъатхэпэм и 18-м Кисловодск щагъэлъэпIащ Кърымыр Урысейм къызэрыгухьэжар. Автопробегыр щрагъэжьащ Мир проспектым и Никольскэ члисэ зэхуэхьэсам икIи Победа проспектым нэс кIуащ, Хэку зауэшхуэ орденым и стелэ совет зауэлIхэм я гъащIэр зэрахъумам папщIэ медицинэ лэжьакIуэхэм къыхуагъэфэщам нэс.
Пробегым и пэ къихуэу пэкIум хэтащ: Кисловодск къалэ администрацэм и Iэтащхьэ Моисеев Евгений, къалэ Думэм и унафэщI Волошинэ Любовь, Кисловодск мэжджытым и имамыр, Псыхуабэ епархием Кисловодск округым щиIэ благочиннэ щоджэн нэхъыжь Знаменский Иоанн, къалэм и къэзакъ зэгухьэныгъэм и къэзакъхэм атаман Семенов Александр я пашэу, къалэ-зыгъэпсэхупIэм и хьэщIэхэр, школым и егъэджакIуэхэр, Чристэн Свято-Никольскэ классическэ гимназием и къэзакъхэм я щIэблэр.
Благочиннэм зэхыхьэр къызэIуихащ ХъыбарыфIхэр зэрыт тхылъ лъапIэм къыщыхьа псалъэхэмкIэ икIи къалэдэсхэм махуэшхуэмкIэ ехъуэхъуащ. Щоджэным пэкIум хэтхэр къыхуриджащ мыхъумыщIагъэм пэIэщIэ защIыну, мамырыгъэм хущIэкъуну. И псалъэр тхьэлъэIукIэ зэхуищIыжащ.
ПэкIу нэужьым абы хэтахэр Хэкум и хъумакIуэхэм я «Журавли» фэеплъым удз гъэгъахэр тралъхьащ.