Псыхуабэ епархием хъыбар фегъащIэ, 2022 гъэм мазаем и 18-м, и ныбжьыр илъэс 85-м иту, хьэлъэу кIэщIкIэ сымэджа нэужь, ЕссэнтIыгу къалэм и Пантелеимоновскэ члисэм и щоджэн нэхъыжь Лобков Анатолий дунейм зэрехыжам теухуауэ.
Анатолэ 1937 гъэм Ставрополь крайм и Старомарьевкэ къуажэм къыщалъхуащ. Щоджэным и адэр Хэку зауэшхуэм хэкIуэдащ.
Илъэс 18 щыхъум, курыт еджапIэр къиуха нэужь, Ставрополь Духовнэ семинарием щIэтIысхьащ. Псаломщик къулыкъумрэ еджэнымрэ зэдихьащ. Семинариер къиуха нэужь, 1959 гъэм унагъуэ иухуащ, къардэн къулыкъур къыхуагъэфэщащ, 1961 гъэм – митрополит Антоний и унафэкIэ (Романовский) пресвитор хъуащ. ИужькIэ Анатолий Москва и духовнэ академиер къиухащ кандидат нагъыщэр иIэу.
Щоджэн къулыкъур щоджэн нэхъыжь Лобков Анатолий Ставрополь епархием и екIуэлIапIэхэм щрихьэкIащ. Иужьрей илъэс 20-м Анатолий ЕссэнтIыгу къалэм и Пантелеимоновскэ члисэм къулыкъу щищIащ.
Члисэм къулыкъу зэрыщрихьэкIам къыхэкIыу щоджэн нэхъыжь Лобков Анатолий тхьэлъэIу-иерархие дамыгъэхэр къыхуагъэфэщащ тхьэлъэIу литургиер хыхьэу иригъэкIуэкIыну хуитыныгъэ иIэу.
«Дунейм ехыжам и благъэхэмрэ Iыхьлыхэмрэ хуэгузэващ Псыхуабэ, Черкесск щIыналъэхэм я архиепископ Феофилакт. «Анатолий сцIыхуу щытащ Ставрополь Духовнэ семинарием дыщыщIэсым. Члисэ хабзэхэм я егъэджакIуэ гуапэу дигу къинэжащ ар. И фIэщхъуныгъэ быдэр щапхъэ зытрахт. Ар духовнэ еджапIэм къэкIуэху узэщIыныгъэфI зэхыдигъэхырт, чэнджэщ гуапэ къыдитырт, псалъэкIэ къыддэIэпыкъурт, шыIэныгъэ къыдитырт. И псэр зэгъэну Тхьэ солъэIу, и щхьэгъусэм IэплIэ хузощI, Анатолий къыщIэнахэм фIыгъуэ яIэну захузогъазэ», - щыжиIащ Пастыр нэхъыщхьэм и псалъэм.
Щоджэн нэхъыжь Лобков Анатолий 2022 гъэм мазаем и 20-м тхьэлъэIу литургие нэужьым ЕссэнтIыгу къалэм и Пантелеимоновскэ члисэм щыщIалъхьэажщ. Литургиер сыхьэти 8-м ирагъэжьащ.