2022 гъэм мазаем и 12-м Псыхуабэ, Черкесск щIыналъэхэм я архиепископ Феофилакт игъэнэхуащ ЕссэнтIыгу къалэм и Севернэ хьэблэ цIыкIум и Свято-Троицкэ члисэм и куполым и жорыр.Щоджэн нэхъыщхьэм къулыкъур драгъэкIуэкIащ Псыхуабэ епархием ЕссэнтIыгу щиIэ округым и благочиннэ щоджэн нэхъыжь Фещенкэ Стефанрэ члисэм и унафэщI щоджэн Галайчук Сергийрэ. Ар щагъэнэхум зэхуэсащ хьэблэ цIыкIум щыпсэухэр, алыдж зэгухьэныгъэм и
лIыкIуэхэр, члисэм и ктитор Кэссиди Владимир. Жорыр ягъэнэхуа нэужь Щихънагъым фIэщхъуныгъэ зиIэхэм захуигъэзащ фIыщIэ псалъэхэмкIэ.
«Христос и Жорыр, иджы ди члисэм и щхьэщыгум щыблэнущ, ар захуагъэм и гъуэгугъэлъагъуэщ. Тхьэмрэ КъегъэлакIуэмрэ я гъуэгум. ЦIыхубэм яхуиIэ лъагъуныгъэм папщIэ ЛIэныгъэм къелам. Тхьэм и унэр гъунэгъуу зэрыщытым и нэщэнэщ, тхьэлъэIупIэм и мызакъуэу, дэIэпыкъуныгъи щыдгъуэтым. Члисэм сыт щыгъуи езы Христос къыщыдогъуэт. ГукIи псэкIи фIыщIэ пхузощI Сергий, Владимир, зэгухьэныгъэм хэтхэм, нобэрей махуэшхуэм дыщызэхуэсынымкIэ къыддэIэпыкъуахэм.Нобэрей тхьэлъэIум и гуфIэгъуэр вдызогуэш икIи сынывохъуэхъу», - жиIащ архиепископ Феофилакт.
***
ЕссэнтIыгу къалэм и Севернэ хьэблэ цIыкIум и чристэн зэгухьэныгъэр 2012 гъэм къэунэхуащ. Бжьыхьэм 2014 гъэм Свято-Троицкэ члисэр яухуащ. 2019 гъэм и кIэ пщIондэ зэгухьэныгъэр Тхьэ щелъэIуащ пIалъэкIэ къызэрагъэпэща члисэм. Иджы тхьэлъэIухэр яухуэ члисэм щрагъэкIуэкIыр. Члисэ ухуэныгъэр ктиторыр я дэIэпыкъуэгъуу яухуэ къалэм и алыдж зэгухьэныгъэм я мылъкукIэ.