2022 гъэм мазаем и 8-м, илъэс 30 зэрырикъур щагъэлъапIэм, Кисловодск и Свято-Никольскэ Чристэн классикэ гимназием щекIуэкIащ егъэджакIуэхэм я «Формирование православного мировоззрения на уроках» конференцэр.
Зэхыхьэм и пэ къихуэу егъэджакIуэхэм захуигъэзащ гимназием и унафэщI щоджэн нэхъыжь Знаменский Иоанн. УнафэщIым къыхигъэщащ чристэн егъэджэныгъэм иджырей щIэныгъэм щиIэ мыхьэнэр, егъэджакIуэхэр къыхуриджащ гимназием и гъэсэнхэм гулъытэ хуащIыну, дэтхэнэ зы еджакIуэми бгъэдыхьэкIэ къыхуагъуэтыну, еджакIуэхэм я гъэсэн къудей мыхъуу ныбжьэгъу зыхуащIыну.
Егъэджэныгъэ-гъэсэныгъэ IуэхухэмкIэ унафэщIым и къуэдзэ Рочевэ Иринэ егъэджэныгъэ зэпэIэщIэ Iэмалхэм къытеувыIащ икIи ЕГЭ репетицэм кърикIуахэм тепсэлъыхьащ.
4 классым и класс унафэщI Шевченкэ Марие жиIащ и дерсхэм чристэн компонентыр зэрыхигъэхьар, классщIыб лэжьыгъэхэри къызэщIиубыдэу.
ПэщIэдзэ классхэм я еджакIуэхэм я чристэн Iуэху еплъыкIэмкIэ дэгуэшащ 3 классым и класс унафэщI Лысенко Еленэ. Абы утыку кърихьащ зыр зэм дэIэпыкъуным къыхуезыджэ, дунейр фIыуэ езыгъэлъагъу, Тхьэм и унафэхэм хэзыгъэгъуазэ зыужьыныгъэ тхылъхэр.
ИнджылызыбзэмкIэ егъэджакIуэ Некрасовэ Наталье жиIащ Чристэн тхыдэм еджакIуэхэр зэреджэр, ХъыбарыфIхэм щыщ пычыгъуэхэр щIыгъуу, теплъэгъуэхэр утыку къызэрырахьэр.
ЕсэпымкIэ егъэджакIуэ Зайцевэ Еленэ курыт еджапIэм чристэн темэхэр къыщагъэсэбэп хъуну задачэхэр щызэхуэхьэса тхылъ игъэхьэзыращ. Афон бгы ЛъапIэм теухуахэр, Ставропольем и Чристэн тхыдэр, Кисловодск и Никольскэ члисэ зэхуэхьэсар лъабжьэ хуэхъуащ абы.
Урысейм чристэн егъэджэныгъэмрэ гимназиемрэ зегъэужьыным теухуа Iуэхур къиIэтащ гимназием и егъэджакIуэ къардэн нэхъыжь Иоанн (Галумов). Абы гъэлъэгъуэныгъэ утыку кърихьащ, гимназием и гъащIэр къыщыгъэлъэгъуэжар икIи къытеувыIащ Кисловодск и цIыхухъу, цIыхубз гимназием я тхыдэм.
Гъэсэныгъэ лэжьыгъэхэмкIэ унафэщIым и къуэдзэ Синявская Татьянэ гимназием и юбилейм къытеувыIащ. Абы ягу къигъэкIыжащ класс унафэщIхэм Пасхэ махуэшхуэр зэрагъэлъэпIэным теухуа Iуэхугъуэхэр зэраубзыхунур, сабийхэр зэпеуэ зэмылIэужьыгъуэхэм зэрыхагъэтынур.
ЕгъэджакIуэхэм фIыщIэ хуащIащ унафэщIым, сабийхэм зэрызригъэужьым, егъэджакIуэхэр зыхуэныкъуэхэм гулъытэ зэрахуищIым папщIэ.