2021 гъэм дыгъэгъазэм и 25-м, щихъ Тримифунтский Спиридон и фэеплъ махуэм, Псыхуабэ, Черкесск щIыналъэхэм я архиепископ Феофилакт, Бакинскэ, Азербайджан епархиехэр пIалъэкIэ зезыгъакIуэм тхьэлъэIу литургие щригъэкIуэкIащ Баку къалэм Тхьэм и Анэм и Хъуромэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ Бакинскэ епархием и управленэм и секретарь архимандрит Алексий (Никоноров), члисэ зэхуэхьэсам и унафэщI щоджэн нэхъыжь Долинин Антоний, члисэ зэхуэхьэсам и щоджэнхэм. Литургие нэужьым Пастыр нэхъыщхьэм игъэлъэпIащ Тримифунтский Спиридон икIи фIэщхъуныгъэ зиIэхэм узэщIыныгъэкIэ захуигъэзащ.
ТхьэлъэIу нэужьым Щихънагъым зыубгъуауэ зыхигъэгъуэзащ зэгъэпэщыжыныгъэ лэжьыгъэхэр зэрекIуэкIым, члисэ зэхуэхьэсам Азербайджаным и Президент Алиев Ильхам и унафэкIэ ялэжьым.
А махуэ дыдэм Бакинскэ епархием и управленэм архиепископ Феофилакт Епархием и советым и зэIущIэ щригъэкIуэкIащ. Советым хэтхэр едэIуащ епархием и къудамэм и унафэщIхэмрэ комиссэм хэтхэмрэ я докладхэмрэ, 2021 гъэм епархием и гъащIэр зыхуэдам къытеувыIащ.