2021 гъэм дыгъэгъазэм и 3-м, ныкъуэдыкъуэхэм я дунейпсо махуэм, Псыхуабэ, Черкесск щIыналъэхэм я архиепископ Феофилакт щыIащ Подкумок къуажэм узыншагъэр щрагъэфIакIуэ и «Орлёнок» центрым.
Щихънагъыр щыIащ центрым щоджэнхэм я гъусэу икIи IущIащ Ставропольем лэжьыгъэмрэ социальнэ зыужьыныгъэмкIэ и министр Мамонтовэ Еленэ, Предгорнэ районым и Iэтащхьэ Бондаренкэ Николай, щIыналъэ думэм и депутатхэр, центрым и нэIэм щIэтхэр, и лэжьакIуэхэр, гъэсакIуэхэр.
«Орлёнок» центрым и сайтым зэрыщыжиIэмкIэ, хьэщIэхэм зыхагъэгъуэзащ центрым и лэжьыгъэхэм, и гъэсэнхэм я IэдакъэщIэкIхэм еплъащ, махуэшхуэ концертым щыIащ. Центрым и лэжьыгъэм теухуа фильмым иужькIэ, махуэшхуэм хэтхэм фIэхъус ярихащ архиепископ Феофилакт.
«Фильмым щыдгъэлъэгъуащ сабийхэм я анэхэр зэикI я закъуэу къызэрамыгъанэр, гугъуехьхэмрэ ехъулIэныгъэхэмрэ я гугъу щищIым: тщIащ, щIэддзащ, тхузэфIэкIащ. Центрым и лэжьакIуэхэм я гъусэу, фильмым псалъэ гуапэ куэд щыжыIам, анэхэм сабийхэр даIыгъщ. Зэгъусэу гугъуехьхэр къызэбнэкIыну нэхъ тыншщ, дызэгъусэу куэд тхузэфIэкIынущ. УзэщIыгъуу, зыр адрейм удэIэпыкъуу – аращ мыбдеж дызыщыхуеджэфынур», - жиIащ пастыр нэхъыщхьэм.
ЗэIущIэр узыншагъэр щрагъэфIакIуэ центрым и лэжьакIуэхэм я зэгъусэ тхьэлъэIукIэ зэхуащIыжащ.